Pakɔsje 73:27 - Maktub gə́ To gə Kəmee

²⁷ Mbata aa oo, deḛ lai gə́ d’unda rɔ dee rɔi’g ŋgərəŋ gə́ raŋg lé D’udu guduru ya ləm, Deḛ lai gə́ d’ubai d’ya̰’i lé kara D’udu bo̰ ya ləm tɔ.

Pakɔsje 73:27 ပူးပေါင်းရင်းမြစ်များ

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Este 9:30

Deḛ d’ula gə maktub lé d’ar Jibje gə́ d’isi dəb ɓeko̰je’g lə Asuerus gə́ tɔl dəa rɔ-joo giree-siri (127) lé. Taje gə́ to keneŋ wɔji dɔ meelɔm ləm, gə ginkoji ləm tɔ

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Pakɔsje 119:155

Kaji lé to əw gə njémeeyèrje Mbata deḛ lé saŋg goo godnduije el.

Teḛ-Raga 34:15

Meḛ sí dɔ rɔ sí’g mba kar sí manje rɔ sí gə mba kɔm na̰’d gə njéɓeeje neelé, nà loo gə́ deḛ pole magəje lə dee d’inja néməs d’ar dee ndá d’a ɓar sí ɓar nésɔ mba kar sí sɔje néje gə́ deḛ d’inja dee gə́ məs lé tɔ,

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Jeremi 12:2

I ma̰a dee ar ŋgira dee wa na̰ ɗab-ɗab ləm, Deḛ ra tɔg ləma, d’andə ləm tɔ, Rii to ta dee’g pèrèrè, Nɛ meḛ dee nai əw səi.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Bula lə Israɛlje 15:39

Loo gə́ kúla kubuje gə́ d’ul ta dee na̰’d to keneŋ ndá seḭ a kooje ləm, meḛ sí a kolé ne dɔ godnduje’g lə Njesigənea̰ mba kar sí raje née ya ləm tɔ, bèe ɓa seḭ a ndolèje ne goo mal néje gə́ wa meḛ sí, əsé mal néje gə́ ooje gə kəm sí el gə mba kar dee ndɔr sí kar sí ubamje ne ya̰’mje to gə́ kédé lé el.

Njé gə́ Epesə 2:13

Nɛ mbɔl dɔ Jeju Kristi ɓa seḭ gə́ ləw lé seḭ sije ne ŋgərəŋ lé ɓasinè məs Jeju Kristi ɓa rəm sə sí wər gə́ rəa’g.

Njé gə́ Epesə 2:17

Yeḛ ree ila mber ta gə́ wɔji dɔ kɔm na̰’d yəg ar sí-seḭ gə́ sije ŋgərəŋ ləm, gə deḛ gə́ d’isi dəb lé ləm tɔ.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.