Pakɔsje 73:24 - Maktub gə́ To gə Kəmee

²⁴ Ta kwɔji kəmkàr ləi ɓa i a kɔr ne nɔm ləm, Ndɔ gə́ rudu lé i a taam gə́ rɔi’g dan rɔnduba’g ləi ya ləm tɔ.

Pakɔsje 73:24 ပူးပေါင်းရင်းမြစ်များ

Pakɔsje 16:7

Ma m’pidi Njesigənea̰ gə́ njekwɔjim kəmkàr lé, Dan loondul’g ya kara takə̰ji ləm tɔjim kəmkàr ya.

Pakɔsje 25:9

Deḛ gə́ d’ula dɔ dee lé Yeḛ ɔr no̰ dee dan rəw gə́ danasur’g ləm, Deḛ gə́ d’ula dɔ dee lé Yeḛ ndoo dee rəw ləa ləm tɔ.

Pakɔsje 32:8

M’a ndooi ləm, M’a tɔji rəw gə́ kəm kari njaa keneŋ ləm tɔ, M’a kwɔjii ta kəmkàr ləm, M’a korè kəm sḭ dɔi’g ləm tɔ.

Pakɔsje 48:14

Oreeje kəm sí sḭ dɔ ndògo’g ləa ləm, Tḛje kəi-mbaije ləa soo-soo ləm tɔ. Gə mba kɔr gée kar ginkaje gə́ gogo.

Pakɔsje 49:15

D’ɔm dee ɓee lə yoo to gə́ koso-nékulje bèe Ar yoo ɓa unda dee gə́ nésɔ ləa, Waga ndá njéra nédanaje ɓa mbula dee naŋg gə gɔl dee ya ləm, Kura lə dee sané pá ləma, Ɓee lə yoo ɓa to loo-si dee ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Gosota-Kəmkàrje 8:20

Ma m’njaa rəw néra gə́ gə dɔ najee’g, Dan kila-rəwje’g lə néra gə́ danasur

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 58:11

Njesigənea̰ a to njekɔrnoḭ ya ta-ta ləm, Yeḛ a kar məəi nda̰ tub Mee looje gə́ tudu kurum-kurum’g ləm, Yeḛ a kar barkəmrɔije tel ŋgəŋ ŋgəŋ-ŋgəŋ ləm, I a to kasəna gə loo-kamnaḭ Gə́ saga mán dɔ’g ləma, A to kasəna gə ŋgira mán Gə́ manje d’yi keneŋ tə el ləm tɔ.

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Bula lə Israɛlje 9:22

Ɓó lé mum lé aar naŋg dɔ kəi-kubu gə́ to gə kəmee’g lé as ndɔ joo əsé naḭ kára əsé ləb kára kara Israɛlje d’isi d’wa rɔ dee ɓó d’ḭ d’aw el, loo gə́ mum ḭ ɓa deḛ d’ḭ d’aw ɓəi tɔ.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Lugu 23:46

Yen ŋga Jeju ila boo-ndia naŋg ra né wəl pana: Bɔm, m’ya̰ ndiləm meḛ jii’g ya. Loo gə́ yeḛ pa bèe ndá təa udu rub ya tɔ.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Tagə́maji gə́ Ja̰ ndang 16:13

Loo gə́ njenai sə sí, yeḛ gə́ to Ndil gə́ gəd lé a ree ndá yeḛ a kɔr no̰ sí dan kankəmta’g, mbata yeḛ a kula sí ta gə́ mbaiyee kea̰ el, nɛ taje lai gə́ yeḛ oo lé ɓa yeḛ a kula sí ləm, yeḛ a riba sə sí dɔ néje gə́ d’a gə ree lé ləm tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Tagə́maji gə́ Ja̰ ndang 17:5

Ɓasinè Bɔm, maji kari ula rɔnduba dɔm’g gə rɔi pər ya, to rɔnduba gə́ to gə kama rɔi’g kédé par-par ɓad ɓa naŋg nee to ɓəi lé ya.

Néra Njékaḭkulaje 7:59

Loo gə́ d’ar tilá gə kɔri-ər lé ndá Etien ra tamaji pana: Mbaidɔmbaije, Jeju taa ndiləm gə́ rɔi’g.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

Tel tura Godndu 18:2

D’a kiŋga nédɔji lə dee mbuna ŋgako̰ deeje’g el: Njesigənea̰ ɓa a to nédɔji lə dee to gə́ yeḛ pa ne taree ar dee lé tɔ.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.