Pakɔsje 73:18 - Maktub gə́ To gə Kəmee

¹⁸ Oiyo, i lé ar dee njaa dɔ rəwje gə́ kookəmtondoo mbul-mbul’g ləm, I ar dee toso tuji ne pugudu-pugudu ya ləm tɔ.

Pakɔsje 73:18 ပူးပေါင်းရင်းမြစ်များ

Pakɔsje 35:6

Maji kar rəw-kaw dee ndul njudu-njudu ləm, gə aḭ gəm ləm tɔ, Maji kar kura lə Njesigənea̰ gə́ dara korə dee ɓiri-ɓiri tɔ.

Pakɔsje 37:20

Nɛ njémeeyèrje lé d’a tuji pugudu, Njéba̰je lə Njesigənea̰ d’a tuji Asəna gə loo-ko̰-mu gə́ maji lə nékulje lé, D’a sané pá, d’a sané pá to gə́ sa pər bèe.

Pakɔsje 37:24

Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Pakɔsje 92:7

Dəw gə́ njegərnéel lé Gər né kára bèe el ləm, Mbə-dəw lé kara Kəmee inja dɔ’g el ləm tɔ.

Pakɔsje 92:8

Ɓó lé njémeeyèrje ra tɔg gə́ kédé-kédé to gə́ mu bèe ləm, Ɓó lé deḛ gə́ ra némajel lé d’idi pug-pug ləm tɔ kara To mba kar dee d’udu ne guduru gə no̰ ya.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Jeremi 23:12

Gelee gə́ nee ɓa Rəw-kaw dee a kaḭgəm ləm, A ndul ndiŋ-ndiŋ ləm tɔ. D’a tɔs dee tila dee, Mbata n’a kar némeeko̰ teḛ dɔ dee’g Mee ləb gə́ n’a kar bo̰ néra dee Ɔs ta dee’g keneŋ lé. Njesigənea̰ ɓa pa bèe.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.