Pakɔsje 72:18 - Maktub gə́ To gə Kəmee

¹⁸ Maji kar dɔkaisəgərə nai gə Njesigənea̰ Ala Yeḛ gə́ to Ala lə Israɛlje lé ya, Mbata yeḛ nja kára ba to Njera néje gə́ dumkoo!

Pakɔsje 72:18 ပူးပေါင်းရင်းမြစ်များ

1 Sôrta Gḭka-Israɛlje 29:10

Dabid pidi Njesigənea̰ kəm koso-dəwje’g lai. Yeḛ pana: I Njesigənea̰, Ala lə bɔ síje Israɛl lé maji kar dɔi ai səgərə gə ləbi-ləbi saar-saar gə no̰ ya.

1 Sôrta Gḭka-Israɛlje 29:20

Dabid ula koso-dəwje lai pana: Pidije Njesigənea̰, Ala lə sí. Ndá koso-dəwje lai lé pidi Njesigənea̰, Ala lə bɔ deeje-je ya tɔ. Tɔɓəi deḛ d’unda barmba dəb kəm dee naŋg no̰ Njesigənea̰’g ləm, gə no̰ mbai’g ləm tɔ.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Maktub gə́ wɔji dɔ Jɔb 9:10

Yeḛ ra néje gə́ boo-boo gə́ dəw askəm gər el ləm, Yeḛ ra némɔrije gə́ dum tura ləm tɔ.

Pakɔsje 106:48

Maji kar dɔkaisəgərə nai gə Njesigənea̰, Ala lə Israɛlje lé Gə ləbee-ləbee saar-saar gə no̰. Maji kar koso-dəwje lai lé pata pana: Bèe ya! Pidije Njesigənea̰!

Pakɔsje 136:4

Yeḛ nja kára ba ra nédumkooje gə́ d’al dɔ loo sula Mbata meekɔrjol ləa lé to saar-saar gə no̰.

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Pakɔsje 77:14

Ǝi Ala, rəwje ləi to rəwje gə́ to gə kəmee, See magə gə́ ra ɓa boo asəna gə Ala wa.

Pakɔsje 77:15

I lé to Ala gə́ njera néje gə́ dumkoo ya ləm, Siŋgamoŋ ləi lé i riba dəa gə́ raga mbuna koso-dəwje’g ləm tɔ.

Pakɔsje 86:10

Mbata i lé boo yaa̰ ləm, I ra néje gə́ dumkoo ləma, I nja ɓa to Ala kára ba kiao lé ləm tɔ.

Pakɔsje 98:1

Pakɔs lé. Ɔsje pa gə́ sigi arje Njesigənea̰ Mbata yeḛ ra néje gə́ dumkoo ləm, Jikɔlee gə kag jia gə́ àr ŋgad-ŋgad ɓa lá səa.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.