Pakɔsje 71:22 - Maktub gə́ To gə Kəmee

²² Ma lé m’a kɔs gajii gə ndu pa kṵdu-ko̰dè ləm, M’a kɔs pa meenda londoŋ ləi-i Ala ləm lé ya ləma, M’a pidii gə ndu pa kṵdu-kag lé ləm tɔ, I gə́ to Njerɔkunda lə Israɛlje lé ya.

Pakɔsje 71:22 ပူးပေါင်းရင်းမြစ်များ

2 Mbaije 19:22

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Pakɔsje 138:2

Ma m’unda barmba mee kəi’g ləi gə́ to gə kəmee doi lé ləm, Ma m’unda no̰ rii mbata meemaji ləi gə meenda londoŋ ləi ləm tɔ. Mbata rii lé ɓar gə loo mbidi-mbidi Gə goo ndukunje ləi gə́ i ar dee d’aw lée’g béréré lé.

Pakɔsje 144:9

Ǝi Ala, m’a kɔs pa gə́ sigi kari ləm, M’a kunda no̰ rii gə ndu pa kṵdu-ko̰dè gə́ kulá dɔg lé ləm tɔ.

Pakɔsje 25:10

Deḛ gə́ d’aa dɔ ndu manrɔ lə Njesigənea̰, gə torndia lé ndá Kila rəwje lə Njesigənea̰ lai to meekɔrjol gə kankəmta mbata lə dee.

Pakɔsje 33:2

Maji kar sí pidije Njesigənea̰ gə kṵdu-kag ləm, Pideeje gə kṵdu-ko̰dè gə́ kulá dɔg ləm tɔ.

Pakɔsje 43:4

M’a kaw par gə́ loo-nékinjaməs’d gə́ ka̰ Ala Gə́ to Ala gə́ njegin rɔlel ləm gə njegin rɔkal ləm lé, Ǝi Ala, i gə́ to Ala ləm lé M’a kim kṵdu-kag lé pidii ne ya.

Pakɔsje 56:4

Loo gə́ ma m’isi dan ɓəl’g lé Ndá i nja ɓa m’ɔm məəm dɔi-i’g ya.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 89:1

Pakɔs lə Etan gə́ to ŋgoka Ejrak.

Pakɔsje 89:18

I nja to rɔnduba lə siŋgamoŋ lə dee ləm, Mbɔl dɔ meemaji ləi ɓa ar siŋga sí tel ḭ ne dɔ maree’g ləm tɔ.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Pakɔsje 98:4

Seḭ dəwje lai gə́ síje dɔ naŋg neelé Ɔrje ndu sí gə́ tar wəl gə rɔlel par gə́ rɔ Njesigənea̰’g ya ləm, Ɔsje pa ndubaje ne rɔ sí gə boo-rɔkal ya ləm tɔ.

Pakɔsje 98:5

Ɔsje pa arje Njesigənea̰ gə kṵdu-kagje lə sí, Ɔsje ne pa kula rɔnduba dəa’g gə kṵdu-kagje lə sí lé ya.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 5:19

Deḛ gə́ pana: Maji karee ɔs rəa ɓad Gə mba ra kula ləa kalaŋ kar sí j’ooje! Né gə́ Njemeenda lə Israɛlje wɔji-kwɔji ra lé Maji karee teḛ ra née Gə mba kar sí n’gəree!

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 60:9

Mbata dɔgoré-looje d’unda meḛ dee yel dɔm’g ləm, Batoje gə́ Tarsis ɓa to gə́ ŋgaw ta deeje Gə mba kaw kodo ŋganije gə́ loo gə́ əw’g ree sə dee Gə larnda gə larlɔr lə dee ləm tɔ Gə mbata ri Njesigənea̰, Ala ləi, Yeḛ gə́ to Njerɔkunda lə Israɛlje gə́ ula rɔnduba dɔi’g lé.

Misee 7:20

I a riba dɔ meenda londoŋ ləi kar Jakob ləm Gə dɔ meenoji ləi kar Abrakam ləm tɔ To gə́ i man ne rɔi ar bɔ síje-je kédé gə́ ləw lé ya tɔ.

Njé gə́ Rɔmə 15:8

Tɔgərɔ ya, ma m’ula sí m’pana: Jeju Kristi lé to kura lə njékḭja tamɔd deeje mba kar kankəmta lə Ala to ne raga pai-pai loo gə́ yeḛ ar ndukun gə́ yeḛ un ar ka síje lé aw ne lée’g béréré.