Pakɔsje 71:18 - Maktub gə́ To gə Kəmee

¹⁸ Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Pakɔsje 71:18 ပူးပေါင်းရင်းမြစ်များ

Gḭ-Néje 27:1

Isaak ɓuga mba̰ ləm, kəmee tel to bibli aree oo loo el ŋga ləm tɔ. Ndá yeḛ ɓar ŋgondəree Esawu ulá pana: Ŋgonəm! Yeḛ tel ndigi təa’g pana: Yḛ̀ m’aar nee.

Pakɔsje 22:31

Ŋgaka deeje d’a ra né karee, D’a pata gə́ wɔji dɔ Mbaidɔmbaije kar njéboakojije lə na̰ gə́ goo dee’g.

Pakɔsje 48:14

Oreeje kəm sí sḭ dɔ ndògo’g ləa ləm, Tḛje kəi-mbaije ləa soo-soo ləm tɔ. Gə mba kɔr gée kar ginkaje gə́ gogo.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Pakɔsje 78:4

J’a kiya dəa gə ŋgan deeje el, Ta pidi Njesigənea̰ ləm, Gə ta siŋgamoŋ ləa ləma, Gə néreaje gə́ dumkoo gə́ yeḛ ra ləm tɔ lé J’a pa taree kar ŋgaka deeje gə́ gogo.

Pakɔsje 78:6

Mba kar ŋgaka deeje gə́ gogo gər Deḛ gə́ to ŋgan deeje gə́ d’a gə koji dee lé Mba kar deḛ kara loo gə́ deḛ tɔg mba̰ ndá D’a ndoo ne ŋgan deeje ya tɔ,

Teḛ-Raga 13:8

Bèe ɓa seḭ a kulaje ŋgan síje gə́ diŋgam pajena: Jeḛ n’raje naḭ neelé mba kar meḛ sí olé ne dɔ né gə́ Njesigənea̰ ra mbata lə sí loo gə́ yeḛ ar sí j’undaje loo mee ɓee gə́ Ejiptə teḛje lé.

Esai 46:4

Saar teḛ ne dɔ ɓuga sí’g kara Ma m’to togə́bè ya ləm, Saar teḛ dɔ dɔ sí gə́ pudu’g lé kara M’a gəd sí ya ləm tɔ. Ma m’odo sí tɔɓəi m’a tel gə mba kodo sí ya ɓəi ləm, M’a gəd sí kaji sí ne ya ɓəi ləm tɔ.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 53:1

Ta gə́ d’ɔr d’ula sí lé See na̰ ɓa ɔm mée dɔ’g wa. See na̰ ɓa gər to gə́ ji Njesigənea̰ ɓa ra wa.

Néra Njékaḭkulaje 13:36

Dabid lé loo gə́ si gə kəmee ɓa un rudu kula ləa to gə́ mee Ala wɔji ɓəi ndá yeḛ wəi ar dee dubee dɔɓar keaje-je’g, ar darəa unda naŋg ndəs keneŋ ya.

1 Samel 4:15

Eli lé ɓuga yaa̰ ləm ləbee aḭ rɔ-jinaikara-giree-jinaijoo ləma, kəmee to bibli ndá yeḛ askəm koo ne loo el ləm tɔ.

1 Samel 4:18

Léegəneeya loo gə́ ta gə́ wɔji dɔ sa̰duk-manrɔ lə Ala teḛ təa’g ndá Eli ḭ dɔ kali’g ləa oso gaŋnda kel tarəwkəi’g. Yeḛ ɔs gwɔbee naŋg təd ndá wəi mbata yeḛ ɓuga mba̰ ləm, yeḛ boi ləm tɔ. Yeḛ to njegaŋ-rəwta lə Israɛlje ləbee rɔ-sɔ.