Pakɔsje 71:13 - Maktub gə́ To gə Kəmee

¹³ Deḛ gə́ ndigi tujim lé Maji kar kəm sɔḭ wa kəm dee ləm, Ar dee d’udu ne guduru ya ləm tɔ. Deḛ gə́ saŋg loo mba kam m’udu lé Maji kar rɔkul ḭ dəb dɔ dee’g ləm, Ar ndɔl wa dɔ dee ləm tɔ.

Pakɔsje 71:13 ပူးပေါင်းရင်းမြစ်များ

Este 9:2

Jibje mbo̰ dɔ na̰ mee ɓee-booje’g lə dee mee dəb ɓeeko̰je lai gə́ to mee ɓeeko̰’g lə mbai Asuerus lé gə mba rɔ gə deḛ gə́ saŋg loo mba tuji dee lé ndá dəw kára kara ar ges no̰ dee’g el mbata ɓəl gə́ deḛ ɓəl Jibje lé unda koso-dəwje lai badə gaŋg dee.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 132:18

N’a kar rɔkul dəb dɔ njéba̰je’g ləa rigim ləm tɔ, Nɛ dəa-yeḛ lé dɔgugu ləa a ndogó keneŋ kɔr jol-jol.

Pakɔsje 35:26

Maji kar deḛ lai gə́ d’al rɔ dee dɔ nékəmndoo’g ləm lé Nai gə rɔkul ya! Maji kar deḛ gə́ d’ḭ səm kara Rɔkul-boo dəb dɔ dee’g bigim to!

Pakɔsje 35:4

Deḛ gə́ ndigi kam m’udu lé Maji kar dee d’aw go̰gyo̰-go̰gyo̰ gə rɔkul dɔ dee’g ləm, Deḛ gə́ d’ḛjim bəḭ-bəḭ mba karm m’tuji lé Maji kar dee rəm gogo gə rɔkul dɔ dee’g ya ləm tɔ.

Pakɔsje 6:10

Njesigənea̰ oo ta gə́ m’to ne təa’g ləm, Njesigənea̰ taa tamaji ləm rəgm ya ləm tɔ.

Pakɔsje 70:3

Deḛ gə́ ndigi tujim lé Maji kar dee nai gə rɔkul ləm, kar kəm sɔḭ wa kəm dee ləm tɔ. Deḛ gə́ ndigi karm m’udu lé kara Maji kar dee rəm gə goo dee goo dee Gə rɔkul gə́ dəb dɔ dee’g.

Pakɔsje 71:24

Tam a teḛ kila ne mbər meekarabasur ləi lé gə ndɔje kára-kára lai ya Mbata deḛ gə́ saŋg loo karm m’udu lé Nai ne gə rɔkul ləm, kəm sɔḭ wa ne kəm dee ləm tɔ.

Esai 41:11

Aa ooje, deḛ lai gə́ d’ḭ sə sí lé Kəm sɔḭ gə rɔkul a dəb dɔ dee’g, Deḛ lai gə́ kɔl sə sí lé D’a tel to né gə́ kari ba ləm, D’a tuji pugudu-pugudu ləm tɔ.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.