Pakɔsje 7:9 - Maktub gə́ To gə Kəmee

⁹ Njesigənea̰ gaŋg rəwta lə dəwje. Ǝi Njesigənea̰, maji kari ra rəwta ləm Gə goo meekarabasur ləm ləm, Gə goo gelgodo ləm ləm tɔ.

Pakɔsje 7:9 ပူးပေါင်းရင်းမြစ်များ

Gḭ-Néje 20:5

See to yeḛ nja ɓa ulam pana: Yeḛ to ŋgoko̰ neḛ gə́ dené el wa. See yeḛ nja kara pa pana: Yeḛ to ŋgoko̰ neḛ gə́ diŋgam el wa. Ma m’ra né gə məəm gə́ àr ŋgad-ŋgad ləm, jim kara ra né gə́ majel el ləm tɔ.

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 10:15

Maji kari guru kag ji njemeeyèr lé Ar bo̰ nérea gə́ yèr ɔs təa’g ləm, Aree sané kəmi’g pá ləm tɔ.

Pakɔsje 10:18

Gə mba gɔl ne ta lə ŋganalje Gə deḛ gə́ d’ula kəm dee ndòo lé gə goo rəbee ləm, Gə mba kar dəw gə́ to nduji naŋg lé Ǝw rəa kula ɓəl meḛ mareeje’g ləm tɔ.

Pakɔsje 11:5

Njesigənea̰ lé naa meekuru lə njemeekarabasur ya. Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.

Pakɔsje 139:1

Pakɔs lə Dabid gə́ bao-pa ɔs sə dee lé. Njesigənea̰, i nja naa meekuru ləm, i gərm gao.

Pakɔsje 17:3

Ɓó lé i naa meekuru ləm Esé tən néram loondul’g, Ɓó lé i aḭ məəm ndá I a kiŋga né gə́ raŋg kára keneŋ el, Takə̰ji ləm tɔ ɓəd gə ta gə́ teḛ tam’g el tɔ.

Pakɔsje 18:21

Njesigənea̰ lé ra səm wɔji ne goo meekarabasur ləm ya, Yeḛ am né wɔji ne goo kàr lə jim gə́ àr ŋgad-ŋgad lé tɔ.

Pakɔsje 26:2

Njesigənea̰, maji kari ur məəm, Aḭ ne məəm oo ɓa, Maji kari naa məəm gə takə̰ji ləm To gə́ naa ne lar loo-kula-bṵda’g bèe tɔ.

Pakɔsje 35:23

Maji kari teḛ kəmi, Gə́ teḛ kəmi gə mba kɔr kəm ta ləm gə goo rəbee! Ala ləm gə́ to Mbaidɔmbaije ləm, Maji kari ra rəwta ləm ya!

Pakɔsje 37:23

Njesigənea̰ lé ar gɔl dəw ŋgəŋ ŋgəŋ-ŋgəŋ ləm, Rea lelee dɔ rəw-kabee’g ləm tɔ.

Pakɔsje 40:2

M’unda məəm yel dɔ Njesigənea̰’g, Yeḛ rəm pər gə́ rɔm’g Ur mbia oo ne ndu no̰je ləm ya.

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 44:21

Ɓó lé j’ar meḛ sí wəi dɔ ri Ala’g lə sí J’ula ne ji sí ndiŋ par gə́ rɔ magə gə́ d’ḭ ne raŋg ndá

Pakɔsje 58:6

Gə mba koo ne ndu njégoso sukəmlooje el ləm, Esé ndu njegoso ra némbeḛ lé el ləm tɔ.

Pakɔsje 9:9

Yeḛ gaŋg rəwta dɔ dəwje gə́ dɔ naŋg neelé gə goo rəbee, Rəwta-gaŋg ləa gə́ dɔ koso-dəwje’g lé Yeḛ gaŋg gə goo rəbee sur ya.

Pakɔsje 96:10

Paje ta nee mbuna ginkoji dəwje gə raŋg’g pajena: Njesigənea̰ o̰ ɓee, Bèe ɓa naŋg neelé gelee kiriŋ ne kiriŋ-kiriŋ ɓó yə el. Njesigənea̰ lé gaŋg rəwta lə dəwje gə dɔ najee.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Jeremi 11:20

Nɛ i Njesigənea̰ gə́ njeboo-néje Gə́ to njegaŋ-rəwta gə dɔ najee ləm, Gə́ to njenaa meekuru lə dəwje ləm tɔ lé M’a koo dalba̰ ləi gə́ dɔ dee’g Mbata to i nja ɓa m’ya̰ ta ləm meḛ jii’g ya.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 20:12

Njesigənea̰ gə́ njeboo-néje lé Aḭ mee njemeekarabasur, I naa mee dəw ləm, I naa takə̰ji ləa ləm tɔ. M’a koo né gə́ i a ra Dal ne ba̰ ləi dɔ dee’g Mbata i nja ɓa m’ɔm ta ləm jii’g.

Loo gə́ killa rea kəm Daniel’g 11:45

Yeḛ a la kəi-kubuje gə́ ka̰ kəi-mbai ləa mbuna baa-booje’g par gə́ mbɔr mbal gə́ to gə kəmee gə́ maji dum lé. Togə́bè ɓa yeḛ a teḛ ne rudu ndɔ’g ləa kar dəw kára kara la səa el tɔ.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Njé gə́ Rɔmə 16:25

Yeḛ gə́ askəm ma̰a gɔl sí naŋg gə goo Tagə́maji’g ləm gə ta lə Jeju Kristi gə́ m’ila mberee lé gə́ aw na̰’d kára ba gə tandər gə́ deḛ riba dəa nɛ to loo-kiya’g kédé gə́ dɔtar saar lé

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.