Pakɔsje 7:8 - Maktub gə́ To gə Kəmee

⁸ Maji kar koso-dəwje mbo̰ dɔ na̰ rɔi’g! Maji kari-i nja uba dɔ dee gao si tar!

Pakɔsje 7:8 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Gḭ-Néje 31:53

Maji kar Ala lə Abrakam gə Naɔr ləm, gə Ala lə bɔ deeje ləm tɔ lé to njegaŋ-rəwta mbuna sí’g ya. Jakob un ndia aree gə ri yee gə́ Isaak ɓəlee lé.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Pakɔsje 25:21

Maji kar néra gə́ gə dɔ najee ləm, gə néra gə́ danasur ləm tɔ lé D’aḭ bada dɔm’g Mbata ma m’unda məəm yel dɔi’g ya.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 26:11

Ma lé m’njaa gə goo néra gə́ gə dɔ najee, Bèe ndá maji kari ɔrm ne ji dee’g Oo ne kəm lootondoo’g ya kari.

Pakɔsje 41:12

Ɓó lə njeba̰ ləm lé un baŋga dɔm’g el ndá M’a gər gao to gə́ i ndigim tɔgərɔ ya.

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 78:72

Ndá Dabid lé ul dee gə mée gə́ kára ba sur ləm, Yeḛ ɔr no̰ dee gə jia gə́ gər goso kul néje ləm tɔ.

Pakɔsje 82:1

Pakɔs lə Asap. Ala aar loo-mbo̰-dɔ-na̰’d gə́ wɔji dɔ Ala. Yeḛ gaŋg rəwta mbuna magəje’g.

Pakɔsje 9:8

Njesigənea̰ o̰ ɓee saar gə no̰, Yeḛ unda kalimbai ləa mba gaŋg rəwta.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.