Pakɔsje 7:15 - Maktub gə́ To gə Kəmee

¹⁵ Aa ooje, njemeeyèr lé Wa dɔ gɔl néra majel jəb, Yeḛ əskèm néraje gə́ kori-kori ndá Yeḛ oji taŋgɔm ɓa.

Pakɔsje 7:15 ပူးပေါင်းရင်းမြစ်များ

Este 7:10

Togə́bè ɓa deḛ ɗar Aman dɔ kag gə́ yeḛ gɔl mbata lə Mardose lé tɔ. Yee ɓa oŋg lə mbai wəi ne bèm ɓəi.

Maktub gə́ wɔji dɔ Jɔb 15:35

Yeḛ gə́ taa kèm néra gə́ majel ndá oji néra gə́ majel Gə́ ra tɔg mée’g ɓa tel su kəmee-yeḛ ləm tɔ.

Maktub gə́ wɔji dɔ Jɔb 4:8

Ma lé m’oo gao, deḛ gə́ d’ɔs gel néra gə́ kori-kori ləm, Gə́ dubu néra gə́ gə dɔ najee el ləm tɔ lé d’a kinja ka̰dee ya tɔ.

Maktub gə́ wɔji dɔ Jɔb 6:27

Seḭ raje tḛ́ dɔ ŋgonal’g ləm, Seḭ ndogoje kuramar síje ləm tɔ.

Pakɔsje 10:2

Ti gə́ njemeeyèr ti rəa lé Aree tuba ne goo deḛ gə́ nékəmndoo teḛ dɔ dee’g, Gosɔyèr gə́ yeḛ wɔji-kwɔji gə mba tuji dee ne lé wa dee ne ya.

Pakɔsje 119:85

Njébeeleje lé d’inja bwaje nɔm’g podé-podé ya, Deḛ ra né gə goo godndui el.

Pakɔsje 141:10

Maji kar njémeeyèrje lé D’oso wul ba̰də’g lə dee-deḛ ya Gə mba karm m’aḭ m’igi ne pá gə́ léegəneeya.

Pakɔsje 57:6

Ǝi Ala, maji kari riba dɔ boo ləi gə́ ur dɔ dara’g ləm, Ar rɔnduba ləi taa dɔ naŋg nee pəl-pəl ləm tɔ.

Pakɔsje 94:13

Gə mba gɔl ne mee ndɔ nékəmndooje’g Saar kar bwa gə́ d’a gə kuru mbata lə njemeeyèr lé d’uru mba̰ ɓa.

Gosota-Kəmkàrje 26:27

Yeḛ gə́ uru bwa ndá Yeḛ nja a koso keneŋ ləm, Yeḛ gə́ nduburu mbal ndá Mbal lé a tel koso dəa-yeḛ’g ya tɔ.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 33:11

Né gə́ seḭ wɔjije mba raje lé To asəna gə ləm mu, Bèe ɓa loo gə́ néje neelé teḛ ndá A to mu ba, Kəmə gə́ seḭ ilaje pugudu lé To pər gə́ a gə roo sí.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Jeremi 18:20

See né gə́ majel a taa godə né gə́ maji wa. Mbata deḛ d’ur bwa nɔm’g mba tɔlm ne. Ar məəi olé dɔ kaar gə́ m’aar nɔḭ’g M’wɔji səi ta gə mbata lə dee Mba kar oŋg ləi tel wəi ne bèm dɔ dee’g.

Loo gə́ killa rea kəm Daniel’g 6:25

Mbai lé un ndia mba kar dee ree gə diŋgamje gə́ d’un dɔ Daniel lé ar dee d’ɔm dee mee bwa’g dan toboḭje’g, deḛ ləm, gə ŋgan deeje ləma, gə denéje lə dee ləm tɔ. Kédé ɓa mba kar dee d’oso gel bwa’g ɓəi lé ndá toboḭje lé lá dee sagm-sagm to̰ siŋga deḛ lai rɔb-rɔb tɔ.