Pakɔsje 7:10 - Maktub gə́ To gə Kəmee

¹⁰ Ar meeyèr lə njémeeyèrje lé ɔs bo̰ ləm, Ar siŋga lə njémeekarabasurje lé ḭ dɔ maree’d gə́ kédé-kédé ləm tɔ Mbata i Ala gə́ njemeekarabasur lé I to njekuru meḛ dəwje ləm, I naa meḛ dee ləm tɔ.

Pakɔsje 7:10 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

2 Sôrta Gḭka Israɛlje 6:30

maji kari oo ndu dee mee dara’g loo-sii’g ndá ar məəi oso lemsé dɔ dee’g, maji kari ra gə nana kara gə goo néreaje mbata i lé gər meḛ dee kára-kára lai mbata i ya kára ba gə́ njegər meḛ dəwje lai ya,

Maktub gə́ wɔji dɔ Jɔb 8:6

Ɓó lé i to njemeekarabasur gə njera nédana ləm tɔ ndá Tɔgərɔ, yeḛ a kaa dɔi kər-kər Gə mba tel kari si dan maji’g loo-sii’d gə́ ta wa dɔi keneŋ el lé.

Pakɔsje 112:2

Ŋgakeaje d’a to njésiŋgamoŋje dɔ naŋg nee ləm, Ginkoji dəwje gə́ njéra nédanaje lé D’a kiŋga ndutɔr ya ləm tɔ.

Pakɔsje 125:4

Njesigənea̰, maji kari ra meemaji Gə deḛ gə́ to njéra némajije ləm, Gə deḛ gə́ meḛ dee to danasur ləm tɔ.

Pakɔsje 3:3

See dəwje ka̰da ɓa pata d’wɔji ne dɔm pana: M’a kiŋga kaji rɔ Ala’g lé pai godo, ɓa pa bèe wa.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 89:18

I nja to rɔnduba lə siŋgamoŋ lə dee ləm, Mbɔl dɔ meemaji ləi ɓa ar siŋga sí tel ḭ ne dɔ maree’g ləm tɔ.

Gosota-Kəmkàrje 11:20

Deḛ gə́ meḛ dee to kori-kori lé To kḛji kəm Njesigənea̰’g, Nɛ deḛ gə́ rəw-kaw dee to gə goo rəbee lé Taa kəmee rəgm.

Gosota-Kəmkàrje 2:21

Mbata dəwje gə́ njéra nédanaje Ɓa d’a si mee ɓee’g ləm, Dəwje gə́ njéra né gə goo rəbeeje lé Ɓa d’a nai keneŋ ləm tɔ.

Gosota-Kəmkàrje 28:18

Yeḛ gə́ njaa gə goo rəbee lé a kaji ne, Nɛ yeḛ gə́ un rəwje joo gə́ nduni lé a koso yeḛ gə́ kára’g.

Jeremi 11:20

Nɛ i Njesigənea̰ gə́ njeboo-néje Gə́ to njegaŋ-rəwta gə dɔ najee ləm, Gə́ to njenaa meekuru lə dəwje ləm tɔ lé M’a koo dalba̰ ləi gə́ dɔ dee’g Mbata to i nja ɓa m’ya̰ ta ləm meḛ jii’g ya.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.