Pakɔsje 69:7 - Maktub gə́ To gə Kəmee

⁷ Deḛ gə́ d’unda meḛ dee yel gə́ dɔi’g lé Maji kar kəm sɔḭ wa kəm dee mbata ləm-ma el, I Mbaidɔmbaije gə́ to Njesigənea̰ gə́ njeboo-néje lé! Deḛ gə́ sa̰gi lé ar dee d’isi dan rɔkul’g mbata ləm el tɔ, I gə́ to Ala lə Israɛlje ya.

Pakɔsje 69:7 ပူးပေါင်းရင်းမြစ်များ

Pakɔsje 44:15

I ar sí n’tel to nékɔrsu lə ginkoji dəwje gə raŋg ləm, Gə nétuga dɔ jəgm-jəgm mbuna koso-dəwje’g ləm tɔ.

Pakɔsje 44:22

See Ala gə́ njegər néje gə́ to loo-kiya’g meḛ dəwje’g lé See yeḛ a kaskəm gər el wa.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Jeremi 15:15

Ǝi Njesigənea̰, I gər néje lai, Ar məəi olé dɔm’g ɓó Ar məəi wəi dɔm’g el. Maji kari dal ba̰ ləm Dɔ njékula kəmndooje’g! Maji kari ɔrm el, i gə́ oŋg ḭ səi kalaŋ el lé. Maji kari gər gao, Rɔkul gə́ d’ila dɔm’g mbata ləi lé M’isi keneŋ lɔm ya.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.