Pakɔsje 69:24 - Maktub gə́ To gə Kəmee

²⁴ Maji kar kəm dee tel ndul ndiŋ-ndiŋ Ar dee d’oo ne loo el ŋga, Maji kar ɓər dee kara unda ne ndolè gə́ kédé-kédé ya.

Pakɔsje 69:24 ပူးပေါင်းရင်းမြစ်များ

Pakɔsje 79:6

Maji kari ɓugu boo-oŋg ləi Dɔ Ginkoji dəwje gə raŋg’d gə́ gəri el ləm, Gə dɔ ɓeeko̰je’d gə́ ɓar rii keneŋ el lé ləm tɔ.

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Ojee 5:10

Mbaije gə́ Juda lé to d’asəna Gə dəwje gə́ ŋgəs kag-rəw-nim gə́ kédé bèe. M’a kɔm oŋg ləm dɔ dee’g Karee to asəna gə mán gə́ no̰ tar mbiao̰-mbiao̰ bèe.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Lugu 21:22

Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

Loo gə́ killa rea kəm Ja̰’g 16:1

Ma m’oo ndu dəw ɓar dara wəl ula kuraje gə́ dara gə́ siri lé pana: Awje gə baije gə́ oŋg lə Ala to meḛ dee’g lé ɔmje dɔ naŋg nee.