Pakɔsje 68:9 - Maktub gə́ To gə Kəmee

⁹ Naŋg yə ɓugu-ɓugu ləm, Dara kara léḛ ne sələlə-sələlə nɔḭ-i Ala’g lé ləma, Dɔ mbal gə́ Sinai lé kara ula déréré-dèrèrè No̰ Ala gə́ to Ala lə Israɛlje lé ləm tɔ.

Pakɔsje 68:9 ပူးပေါင်းရင်းမြစ်များ

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Tel tura Godndu 11:14

m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ,

Njéga̰g-Rəwtaje 5:4

Ǝi Njesigənea̰, loo gə́ i unda loo mee ɓee gə́ Seir teḛ ləm, Loo gə́ i ɔd lam aw gə́ mee ndɔje gə́ Edɔm ləm tɔ lé Naŋg yə ləm, dara léḛ sələlə-sələlə ləma, Kil lə ndi kara tel to mán ləm tɔ.

Njéga̰g-Rəwtaje 5:5

Dɔ mbalje d’ula déréré-dèrèrè no̰ Njesigənea̰’g ləm, Sinai nee gə́ to no̰ Njesigənea̰, Ala’g lé lə Israɛlje kara yə ləm tɔ.