Pakɔsje 68:8 - Maktub gə́ To gə Kəmee

⁸ Ǝi Ala, loo gə́ i teḛ gə́ ŋgaw ta koso-dəwje ləi lé ləm, Loo gə́ i njaa no̰ dee’g mee dɔdilaloo’g ləm tɔ lé

Pakɔsje 68:8 ပူးပေါင်းရင်းမြစ်များ

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Teḛ-Raga 13:18

Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Esai 45:3

M’a kari nébaoje gə́ to loo-kiya’g ləm, Gə némajije gə́ d’iya dee loo-ŋgəḭ’g ləm tɔ Gə mba kari gər gao to gə́ ma Njesigənea̰ Gə́ m’ɓari gə rii lé Ma m’to Ala lə Israɛlje.

Esai 64:1

To gə́ pər gə́ mbudu o̰ kag gə́ tudu bèe ləm, To gə́ kṵji mán gə́ olé teḛ bèe ləm tɔ lé, Njéba̰je ləi d’a koo rii ləm, Ginkoji dəwje gə raŋg d’a kunda bala nɔḭ’g ləm tɔ.

Esai 64:3

Un kudee ləw ba ya Dəw kára kara oo el ləm, Taree oso mbi dəw’g kára kara el ləma, Kəm dəw kára kara oo el ləm tɔ To gə́ Ala gə́ njekas səi bèe Gə́ ra né gə́ togə́bè ar dee gə́ d’ɔm meḛ dee dəa’g lé godo.

Habakuk 3:13

I unda loo teḛ mba kɔr koso-dəwje ləi kɔm dee tar ləm, Gə mba kaji yeḛ gə́ I wa dəa gə ubu ləm tɔ. I tɔr mburṵ dɔ kəije lə njemeeyèr ləm, I tuji gel kəi saar teḛ ne dɔ kəi’g tar ləm tɔ.

Ǝbrəje 12:26

Ndəa neelé ndia ɓar ar naŋg yə ne ɓugu-ɓugu, nɛ ɓasinè yeḛ un ndia ar sí pana: Gɔl kára tɔɓəi m’a yə dara ɓugu-ɓugu ŋga ɓó m’a yə naŋg ɓa gə karee el.

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Njéga̰g-Rəwtaje 4:14

Togə́bè Debora ula Barak pana: Ḭta mbata ɓogənè ɓa to ndɔ gə́ Njesigənea̰ a kuba Sisera kyá̰ jii’g lé kàree teḛ mba̰. See Njesigənea̰ ɓa a kaw kédé nɔḭ’g el wa. Ndá Barak ḭ dɔ mbal’d gə́ Tabɔr risi ur naŋg gə njérɔje gə́ tɔl-dɔg-loo-dɔg (10.000) gə́ d’aw gée’g lé.