Pakɔsje 68:18 - Maktub gə́ To gə Kəmee

¹⁸ Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Pakɔsje 68:18 ပူးပေါင်းရင်းမြစ်များ

2 Sôrta Gḭka Israɛlje 6:18

Nɛ see Ala a si na̰’d gə dəwje gə́ dɔ naŋg nee tɔgərɔ ya wa. Aa oo, dara gə́ tad rəg-rəg lé asi el, nɛ ɓəd ɓəi ɓa kəi gə́ m’ra nee wa.

Pakɔsje 110:1

Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

Pakɔsje 24:3

See na̰ ɓa askəm tuga dɔ mbal lə Njesigənea̰ wa. Esé see na̰ ɓa a kḭ kaw saar teḛ ne loo ləa gə́ to gə kəmee lé wa.

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Pakɔsje 7:7

Wai Njesigənea̰, maji kari ḭta gə oŋg ləi, Maji kari ḭta ɔs meekḭ jugugu lə njéba̰je ləm rəw ləm, Maji kari teḛ kəmi dɔ ɓi’g la səm ləm tɔ I gə́ njegaŋ-rəwta gə dɔ najee.

Pakɔsje 78:60

Yeḛ uba ne loo-siée gə́ Silo ya̰, Yee ɓa to kəi-kubu gə́ yeḛ si ne mbuna dəwje’g lé.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Matiyo 9:13

Awje ndooje ginta nee: Meekɔrjol ɓa taa kəm ɓó nékinjaməs el. Togə́bè ɓa m’ree m’ɓar kaiya-dəwje ɓó njémeekarabasurje el.

Mark 16:9

Jeju unda loo teḛ gə ndɔ gə́ doŋgɔr gə́ orè goo ndɔ-kwa-rɔ lé ndá yeḛ teḛ dɔ Mari gə́ Magdala gə́ yeḛ tuba ndilje gə́ yèr mée’g siri kédé lé.

Lugu 24:47

d’a kila mber ta kwa ndòo rɔ dɔ kaiya’g gə ta kɔr kaiya dɔ dəwje’g ləm tɔ gə ria-yeḛ kar ginkoji dəwje gə raŋg ya ndá d’a kun kudee Jerusalem ya.

Lugu 24:49

Aa ooje, né gə́ Bɔm un ndia gə mba kar sí lé m’a kula ne kar sí ya, nɛ seḭje lé sije dan mee ɓee-boo’g lé saar kar siŋgamoŋ gə́ a kḭ sém loo gə́ tar lé ree dəb dɔ sí’g ɓa.

Lugu 24:51

Loo gə́ yeḛ aar tɔr ndia dɔ dee’g bèe-bèe ndá yeḛ ɔd sa rəa igi dara kag.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tagə́maji gə́ Ja̰ ndang 16:7

Nɛ ta gə́ ma m’ula sí lé to gə́ kankəmta ya, kaw gə́ m’a gə kaw lé a tel to maji dɔ sí’g ɓəi. Mbata ɓó lé m’a kaw el ndá njenai sə sí a ree rɔ sí’g el, nɛ ɓó lé m’a kaw ndá m’a kulá karee ree rɔ sí’g ya.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Néra Njékaḭkulaje 9:17

Ananias unda loo teḛ aw. Loo gə́ yeḛ andə mee kəi’g neelé ndá yeḛ ila jia dɔ Sool’g ulá pana: Ŋgokɔm Sool, Mbaidɔmbaije Jeju gə́ teḛ dɔi’g rəbee loo gə́ i si aw ne gə́ nee lé yeḛ nja ulam gə mba kar kəmi inja ari oo ne loo ləm, gə mba kar Ndilmeenda taa məəi yal-yal ləm tɔ.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Njé gə́ Kolosə 2:3

Kristi lé ndur kəmkàr ləm, gə gosɔnégərje gə́ gə ria-ria ləm tɔ lé d’ula rɔ dee rəa’g pḛ́.

Njé gə́ Kolosə 2:9

Mbata Kristi lé un kubururɔ Ala ya lad-lad.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

Loo gə́ killa rea kəm Ja̰’g 1:20

Ta lə kéréméje gə́ siri gə́ ma m’oo jikɔl neḛ’g gə ta lə kag pər-ndɔje gə́ siri gə́ ra gə larlɔr lé to gə ndəree ɓəi. Kéréméje gə́ siri lé to kuraje lə Ala gə́ wɔji dɔ Eglisəje gə́ siri ləm, kag pər-ndɔje gə́ siri lé to Eglisəje gə́ siri ləm tɔ.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Njéga̰g-Rəwtaje 5:12

Teḛ kəmi, teḛ kəmi, Debora. Teḛ kəmi, teḛ kəmi ndá ɔs pa kára. Ḭta, Barak, ŋgolə Abinoam Tɔɓəi ree gə deḛ gə́ i wa dee loo-rɔ’g lé.