Pakɔsje 68:16 - Maktub gə́ To gə Kəmee

¹⁶ Mbalje lə Ala, mbalje gə́ mee ɓee gə́ Basan lé Mbalje gə́ sém deeje bula, Mbalje gə́ mee ɓee gə́ Basan lé

Pakɔsje 68:16 ပူးပေါင်းရင်းမြစ်များ

1 Mbaije 9:3

Njesigənea̰ ulá pana: M’oo tamaji gə ndòo ra ləi gə́ i ra tam’g lé ya ndá ma m’unda ne kəi gə́ i ra mba kar rim ɓar ne saar-saar gə no̰ lé gə kəmee ləm, m’a kar kəm gə məəm to dɔ’g ta-ta ya ləm tɔ.

Pakɔsje 114:4

Mbalje lé tal jagəra-jagəra to gə́ bàl bya̰je bèe ləma, Dɔ diŋgri mbalje lé kara tal jagəra-jagəra asəna gə ŋgan badje bèe ləm tɔ.

Pakɔsje 114:6

Seḭ mbalje lé See ɗi ɓa ra sí ɓa talje jagəra-jagəra to gə́ bàl bya̰je bèe wa. Esé seḭ dɔ diŋgri mbalje lé See ɗi ɓa ra sí ɓa tel talje jagəra-jagəra asəna gə ŋgan badje ne ɓəi wa.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Tel tura Godndu 12:11

Bèe ɓa, lé gə́ neelé Ala lə sí gə́ Njesigənea̰ a kɔr kəm loo keneŋ mba kar ria ɓar dɔ’g. Lée gə́ neelé ɓa seḭ a reeje gə néje lai gə́ ma m’un ndum dɔ’g m’ar sí lé: nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar ləm, dɔ koje lə sí gə́ doŋgɔr ləma, gə nékarje lai gə́ seḭ a kɔrje kəmee gə mba karje Njesigənea̰ gə mba tɔl ne ta ndukunje lə sí bém ləm tɔ.

Tel tura Godndu 12:5

Nɛ seḭ a sa̰geeje loo-siée’g loo gə́ Ala lə sí gə́ Njesigənea̰ a mbər mbuna ginkojije’g lə sí lai gə mba kunda ria dɔ’g lé ləm tɔ.