Pakɔsje 68:14 - Maktub gə́ To gə Kəmee

¹⁴ Bag néndaji dər lé d’ɔr giree gə larnda ləm, Bèlee kara kas gəḭ asəna gə larlɔr bèe ləm tɔ. See seḭ a kaw toje kəi-kwarɔ’g wa.

Pakɔsje 68:14 ပူးပေါင်းရင်းမြစ်များ

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Jeremi 2:3

Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Bula lə Israɛlje 21:3

Njesigənea̰ oo ndu Israɛlje ya, bèe ɓa yeḛ ya̰ njé gə́ Kana̰ lé ji dee’g. Togə́bè deḛ manrɔ dee mba tuji dee ne pugudu-pugudu, deḛ ləm, gə ɓee-booje lə dee ləm tɔ, bèe ɓa loo neelé d’unda ne ria lə Ɔrma.

Njéga̰g-Rəwtaje 2:7

Koso-dəwje ra né d’ar Njesigənea̰ gə ndɔje lai gə́ Juje si ne kəmba ləm, gə ndɔje lai gə́ ŋgatɔgje d’isi ne kəmba goo Juje’g, deḛ gə́ gər boo-néje lai gə́ Njesigənea̰ ra mbata lə Israɛlje lé ləm tɔ.

Njéga̰g-Rəwtaje 9:48

Bèe ɓa Abimelek uba dɔ mbal gə́ Salmo̰, yeḛ gə njérɔje lai gə́ d’aw səa na̰’d lé. Yeḛ un tina jia’g tuga ne barkəmkag, un ila dɔ damee’g. Gée gə́ gogo yeḛ tel ula njérɔje gə́ d’aw səa na̰’d lé pana: Seḭ ooje né gə́ ma m’ra lé gao ndá ɔsje rɔ sí ɓad raje to gə́ m’ra bèe tɔ.