Pakɔsje 68:10 - Maktub gə́ To gə Kəmee

¹⁰ Ǝi Ala, i lé ar ndi ər keneŋ yaa̰, Dɔ naŋg ləi gə́ ɔr ho̰d lé kara I nja telee aree to maji gogo ɓəi.

Pakɔsje 68:10 ပူးပေါင်းရင်းမြစ်များ

1 Mbaije 8:36

maji kari oo ndu dee mee dara’g ləm, ar məəi oso lemsé dɔ kaiya ra kuraje’g ləi ləm gə dɔ koso-dəwje’g ləi gə́ Israɛl ləm tɔ, to deḛ gə́ i tɔji dee rəw gə́ danasur gə́ kəm kar dee njaa keneŋ lé, tɔɓəi ar ndi ər dɔ naŋg nee ar dəwje ləi gə́ né ka̰ dee lé tɔ.

Pakɔsje 65:10

I nja ila kəmi dɔ naŋg’d Aree kinja ne gə néje bula ləm, Ar nébaoje taa ne rəa pəl-pəl ləm tɔ. Kəm-rəw-mán lə Ala mán rusu télélé-télélé, I wa dɔ gɔl kó néje loo gə́ i wa ne dɔ gɔl loo-dubu-né.

Pakɔsje 65:11

I tər mán dɔ ɓaiyeje’g ləm, I gɔl ne dɔ kɔr na̰geeje ləm tɔ, Ma̰-ndi ɓa i yɔlé ne naŋg ləm, I tɔr ne ndui dɔ kandə néje’g ar dee d’uba ləm tɔ.

Pakɔsje 65:9

Deḛ gə́ d’isi gwɔi naŋg’d lé néraije gə́ dumkoo Ar ɓəl unda dee ne badə gaŋg dee, Boo-rɔkal ləi lé taa loo pəl-pəl par gə́ bər ləm, gə dɔ-gó ləm tɔ.

Pakɔsje 74:19

Maji kari ya̰ koso-dəwje ləi ta daje’g el ləm, Njénékəmndooje ləi lé ar məəi wəi dɔ dee’g gə no̰ el ya ləm tɔ.

Pakɔsje 78:20

Aa ooje, yeḛ unda biri mbal ar mán ula keneŋ, Manje gə́ turu tuma̰-tuma̰ taa loo keneŋ yəŋgəm-yəŋgəm. See yeḛ askəm kar dəwje ləa muru əsé kar dee da ya to wa.

Esai 40:29

Yeḛ gə́ dao lé Yeḛ aree siŋga ləm, Yeḛ gə́ oso rəb lé Yeḛ ar siŋgá ḭ dɔ maree’g ləm tɔ.

Bula lə Israɛlje 16:3

Deḛ mbo̰ dɔ na̰ rɔ Moyis’g gə rɔ Aaro̰’g d’ula dee pana: Ɓasinè lé as ŋga! Mbata koso-dəwje lai lé to gə kəmee ləm, Njesigənea̰ si mbuna dee’g ləm tɔ. See ban ɓa seḭ ooje rɔ sí gə dəwje gə́ boo ur dɔ koso-dəwje’g lə Njesigənea̰ lé ɓəi wa.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Tel tura Godndu 26:5

Tɔɓəi debee neelé a kun ta pa no̰ Njesigənea̰ Ala’g lə sí tɔɓəi pana: Bɔ síjeḛ-je lé to gə́ dəw gə́ Aram gə́ njekilatar, yeḛ aw Ejiptə gə koso-dəwje gə́ lam ba bèe gə mba si keneŋ, lé gə́ neelé ɓa yeḛ tel to ginkoji dəwje gə́ boo keneŋ ləm, gə́ siŋga dee to yaa̰ ləma, gə́ bula digi-digi ləm tɔ.

1 Piɛrə 5:3

Aarje no̰ badə-kosoje’g asəna gə nétɔji lə dee gə́ maji ɓó o̰ deeje asəna gə mbaije gə́ njenḭ na̰ dɔ dəwje’g el.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.