Pakɔsje 68:1 - Maktub gə́ To gə Kəmee

¹ Pakɔs lə Dabid gə́ ar bao-pa mba karee ɔs sə dee lé.

Pakɔsje 68:1 ပူးပေါင်းရင်းမြစ်များ

2 Sôrta Gḭka Israɛlje 6:41

Ɓasinè, əi Njesigənea̰ Ala, Maji kari ḭta ree loo-kwa-rɔ’g ləi, I gə sa̰duk-manrɔ gə́ ka̰ siŋgamoŋ ləi lé. Ǝi Njesigənea̰ Ala, Maji kar njékinjanéməsje ləi lé D’ar kaji ɓa gə́ nédolé rɔ dee ləm, Ar deḛ gə́ i unda dee dan kəmi’g lé D’al rɔ dee d’isi ne dan maji’g ləm tɔ.

Pakɔsje 21:8

Mbai lé ɔm mée dɔ Njesigənea̰’g jəb-jəb, Mbɔl dɔ meemaji lə Njekurdɔloo’g lé Gɔlee unda ne ndolè nda̰ el.

Pakɔsje 44:26

Mbata ŋgaw meḛ sí təd mán dan babur’g ləm, Darɔ sí kara ula naŋg lururu ləm tɔ.

Pakɔsje 59:11

Ala ləm ree aar nɔm’g gə goo meemaji ləa, Deḛ gə́ to njékula kəm ndooje lé Ala nja am m’aa dee gərərə.

Pakɔsje 68:14

Bag néndaji dər lé d’ɔr giree gə larnda ləm, Bèlee kara kas gəḭ asəna gə larlɔr bèe ləm tɔ. See seḭ a kaw toje kəi-kwarɔ’g wa.

Pakɔsje 68:30

Mee kəi’g ləi gə́ turu dɔ Jerusalem lé Mbaije d’a ree gə nénojije lə dee kari keneŋ.

Pakɔsje 89:10

Man baa-boo-kad gə́ ḭ ububu-ububu lé I dum dəa ləm, Loo gə́ paŋgəm manje tuga ndá I ar dee tel to ndiŋ ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Esai 33:3

Loo gə́ ndui ɓar ndá Koso-dəwje d’aḭ, Loo gə́ i uba naŋg ḭ ndá Ginkoji dəwje gə raŋg sanéna̰.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Bula lə Israɛlje 10:35

Loo gə́ d’ḭ gə sa̰duk-manrɔ mba kaw ne ndá Moyis pana: Ḭta, Njesigənea̰! Maji kar njéba̰je ləi sané na̰ kad-kad ləm, maji kar deḛ gə́ d’wai gə meḛ dee kara d’aḭ nɔḭ’g ləm tɔ.

Tel tura Godndu 7:10

Nɛ yeḛ uga dɔ ji deḛ gə́ d’ə̰jee bəḭ-bəḭ aree wɔji dɔ dee ndá ar dee d’udu ne guduru, yeḛ gə́ ə̰jee bəḭ-bəḭ lé, yeḛ aree nékoga dɔ jia gə́ wɔji dəa njoroŋ ya.