Pakɔsje 67:7 - Maktub gə́ To gə Kəmee

⁷ Naŋg lé kinja gə nésɔje ɓagəsa ya, Ala gə́ to Ala lə sí lé tɔr ndia dɔ sí’g.

Pakɔsje 67:7 ပူးပေါင်းရင်းမြစ်များ

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 29:11

Njesigənea̰ lé ar dəwje ləa siŋga dee ləm, Njesigənea̰ lé tɔr ndia dɔ dəwje’g ləa Ar dee d’isi ne dan rɔlel’g ləm tɔ.

Pakɔsje 33:8

Maji kar naŋg nee lai-lai ɓəl Njesigənea̰! Dəwje lai gə́ d’isi keneŋ kara Maji kar dee ndəb pəd-pəd nea̰’g tɔ.

Pakɔsje 65:5

Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Ləbije 26:4

m’a kar sí mán ndi gə naḭyee-naḭyee ləm, naŋg a kinja gə néje ləa ɓagəsa ləma, kagje gə́ mee ndɔje’g kara d’a kandə njim-njim ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Néra Njékaḭkulaje 13:47

Mbata Mbaidɔmbaije un ndia ar sí togə́bè pana: Neḛ n’undai gə́ lookàr lə ginkoji dəwje gə raŋg Mba kari un ta kaji lé aw ne saar teḛ ne gwɔi naŋg’d.

Néra Njékaḭkulaje 2:28

I ar neḛ n’gər kila-rəwje gə́ ka̰ kisi ne kəmba lé gao ləm, Koo gə́ n’ooi no̰ neḛ’g lé kara a kar neḛ nda ne mee neḛ kaḭ ya ləm tɔ.

Njé gə́ Galati 3:14

Bèe ɓa gə mba kar dɔkaisəgərə gə́ Ala un ne ndia ar Abrakam lé njépole-magəje d’iŋga gin Jeju Kristi’g lé ləm, jeḛ kara mbɔl dɔ meekun lé ɓa j’iŋga ne Ndil gə́ Ala un ne ndia mba kar sí lé ləm tɔ.

Njé gə́ Galati 3:9

Bèe ɓa deḛ gə́ d’un meḛ dee lé dɔ dee ai səgərə gə Abrakam gə́ njemeekun lé na̰’d tɔ.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.