Pakɔsje 67:6 - Maktub gə́ To gə Kəmee

⁶ Ǝi Ala, maji kar koso-dəwje lé pidii, Maji kar koso-dəwje lai d’ɔs gajii ya.

Pakɔsje 67:6 ပူးပေါင်းရင်းမြစ်များ

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Pakɔsje 48:14

Oreeje kəm sí sḭ dɔ ndògo’g ləa ləm, Tḛje kəi-mbaije ləa soo-soo ləm tɔ. Gə mba kɔr gée kar ginkaje gə́ gogo.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Ləbije 25:19

Dɔ naŋg a kar sí ka̰dee ləm, seḭ a sɔje né karje meḛ sí ndan ləma, seḭ a síje ne lɔm ləm tɔ.

Ləbije 26:4

m’a kar sí mán ndi gə naḭyee-naḭyee ləm, naŋg a kinja gə néje ləa ɓagəsa ləma, kagje gə́ mee ndɔje’g kara d’a kandə njim-njim ləm tɔ.