Pakɔsje 67:4 - Maktub gə́ To gə Kəmee

⁴ Ǝi Ala, maji kar koso-dəwje lé pidii, Maji kar koso-dəwje lai d’ɔs gajii ya.

Pakɔsje 67:4 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Pakɔsje 82:6

Ma m’pa kédé lé m’pana: Seḭ lé toje gar Magəje ya, Seḭ lai toje ŋgalə Njekurdɔloo lé tɔ.

Pakɔsje 9:8

Njesigənea̰ o̰ ɓee saar gə no̰, Yeḛ unda kalimbai ləa mba gaŋg rəwta.

Pakɔsje 96:10

Paje ta nee mbuna ginkoji dəwje gə raŋg’g pajena: Njesigənea̰ o̰ ɓee, Bèe ɓa naŋg neelé gelee kiriŋ ne kiriŋ-kiriŋ ɓó yə el. Njesigənea̰ lé gaŋg rəwta lə dəwje gə dɔ najee.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Esai 60:6

Koso-jambalje gə́ bula digi-digi lé D’a taa ɓee ləi pəl-pəl Gə jambalje gə́ Madian gə Epa, D’a kḭ Seba ɓa ree, D’a kodo larlɔr gə néje gə́ ə̰də sululu ləm, D’a pidi ne Njesigənea̰ dɔ néreaje’g ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Njé gə́ Galati 4:27

Mbata deḛ ndaŋg taree mee maktub’g pana: Al rɔi, i kaw kad gə́ oji ŋgon el lé! Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.