Pakɔsje 66:2 - Maktub gə́ To gə Kəmee

² Ɔsje pa ulaje ne rɔnduba dɔ ria’g ləm, Ɔsje gaji rɔnduba ləa gə pa pidije lə sí lé ləm tɔ.

Pakɔsje 66:2 ပူးပေါင်းရင်းမြစ်များ

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 106:2

See na̰ ɓa a pata néraje lə Njesigənea̰ gə́ ur dɔ loo lé ɓəi wa. Esé see na̰ ɓa a kila mber ta pideeje ləa lai-lai wa.

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:22

Maji kar dee d’inja nékinjanéməsje Gə́ ka̰ kɔm na̰’d sad ləm, Maji kar dee d’ila mber kula reaje lé Gə ndu rɔlel ləm tɔ.

Pakɔsje 68:33

Seḭ gə́ síje mee ɓeeko̰je gə́ dɔ naŋg neelé Ɔsje pa arje Ala ləm, Ilaje riɓar dɔ Mbaidɔmbaije’g lé ləm tɔ.

Pakɔsje 72:18

Maji kar dɔkaisəgərə nai gə Njesigənea̰ Ala Yeḛ gə́ to Ala lə Israɛlje lé ya, Mbata yeḛ nja kára ba to Njera néje gə́ dumkoo!

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Esai 42:12

Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.