Pakɔsje 65:6 - Maktub gə́ To gə Kəmee

⁶ Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Pakɔsje 65:6 ပူးပေါင်းရင်းမြစ်များ

Pakɔsje 119:90

Meenda londoŋ ləi lé to njaŋg gə ləbee-ləbee saar-saar gə no̰, I nja unda naŋg neelé aree ŋgəŋ ŋgəŋ-ŋgəŋ,

Pakɔsje 24:2

Mbata yeḛ tum gin naŋg neelé dɔ mán bélm’g Aree ŋgəŋ ŋgəŋ-ŋgəŋ dɔ baa-booje’g ya.

Pakɔsje 93:1

Njesigənea̰ lé o̰ ɓee, Boo-ronduba lé yeḛ dolè ne rəa yul ya ləm, Siŋgamoŋ ləa kara yeḛ tɔ ne rḛgee ya ləm tɔ. Bèe ɓa naŋg lé ŋgəŋ ne ŋgəŋ-ŋgəŋ Ɓó né kára kara yə ŋgirá el.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

1 Samel 2:4

Ɓandaŋ lə njésiŋgamoŋje təd tula-tula ləm, Deḛ gə́ d’unda ndolè kara Siŋgamoŋ ɓa to ndar gə́ ɓər dee’g ləm tɔ.