Pakɔsje 65:5 - Maktub gə́ To gə Kəmee

⁵ Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Pakɔsje 65:5 ပူးပေါင်းရင်းမြစ်များ

Pakɔsje 107:23

Deḛ gə́ d’aw mee batoje’g Nun ne dɔ baa-boo-kad’g ləm, Gə deḛ gə́ ra kula dan manje gə́ boi-boi’g ləm tɔ ndá

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 36:9

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Pakɔsje 45:4

I bao-rɔ lé maji kari tɔ kiambas ləi ɓəri’g ləm, Ula kubu-ɗɔi-rɔ gə rɔnduba rɔi’g ləm tɔ.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Pakɔsje 84:5

Deḛ gə́ d’isi mee kəi’g ləi lé rɔlel nai sə dee ya, D’askəm pidi ya ɓəi.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 60:5

Loo gə́ i oo njai-njai ndá Rɔi a leli ləm, Məəi a gər njai-njai gə kalrɔ ləm tɔ, Loo gə́ nébaoje d’a kḭ dan baa-boo-kad ree rɔi’g ləm, Loo gə́ nébaoje lə ginkoji dəwje gə raŋg d’a ree rɔi’g ləm tɔ.

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Ajee 2:23

Njesigənea̰ gə́ njeboo-néje lé pana: Mee ndəa’g neelé n’a kuni-i Jorobabel, kura lə neḛ gə́ to ŋgolə Səaltiel. Njesigənea̰ ɓa pa bèe. N’a ŋgəmi asəna gə nétorji neḛ mbata neḛ nja n’kɔdi n’ɔri. Njesigənea̰ gə́ njeboo-néje ɓa pa bèe ya.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 10:21

Yeḛ nja ɓa seḭ a pideeje ne ləm, yeḛ nja to Ala lə sí ləm tɔ: yeḛ nja ɓa ra boo-néje nee gə́ to ɓəl kədm-kədm mbuna sí’g to gə́ seḭ ooje gə kəm sí lé tɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Loo gə́ killa rea kəm Ja̰’g 16:5

M’oo kura gə́ dara gə́ to njekaa dɔ mán lé ndá yeḛ pana: Rəwta-gaŋg ləi to gə dɔ najee, i to gə kəmee, i gə́ si gən ləm, i si kédé gə́ dɔtar ləm tɔ.