Pakɔsje 65:4 - Maktub gə́ To gə Kəmee

⁴ Néra gə́ kori-korije lé al dɔm sula ya, I a kar məəi ti mbidi dɔ kaltaje’g lə sí.

Pakɔsje 65:4 ပူးပေါင်းရင်းမြစ်များ

2 Sôrta Gḭka Israɛlje 6:39

maji kari oo ndu tamaji lə dee gə ndu ndòo raje lə dee mee dara’g loo-sii’g ndá ra sə dee gə goo rəbee ya, maji kari ar məəi oso lemsé dɔ kaiya ra koso-dəwje’g ləi gə́ d’ɔsi ne rəw lé tɔ.

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Pakɔsje 15:1

Pa lə Dabid Ǝi Njesigənea̰! See na̰ ɓa askəm si mee kəi-kubu’g ləi gə kuree waga wa. See na̰ ɓa askəm ra ɓee dɔ mbal’g ləi gə́ to gə kəmee lé wa.

Pakɔsje 17:15

Ma lé mbɔl dɔ meekarabasur ləm lé ɓa M’a koo ne kəmi ya, Loo gə́ m’a teḛ kəm gə ndɔ rad lé ndá Ndili ɓa kəm a kwəi dəa’g sḭ ləm, a tuga ne sib ləm tɔ.

Pakɔsje 23:6

Tɔgərɔ ya, rɔlel gə meemaji d’a korè səm rəw na̰’d més Mee ndɔje lai gə́ m’isi ne kəmba Ndá m’a si kəi’g lə Njesigənea̰ saar rudu ndɔje’g ləm.

Pakɔsje 24:7

Seḭ tarəwɓeeje lé Maji kar sí ɔrje dɔ sí gə́ tar, Seḭ tarəwɓeeje gə́ to gə no̰ lé Arje tarəwje to tar sab ya Gə mba kar mbai gə́ njedo̰gɔr-ronduba andə keneŋ!

Pakɔsje 33:12

Ginkoji dəwje gə́ Njesigənea̰ to Ala lə dee lé D’isi dan rɔlel’g ya, Koso-dəwje gə́ yeḛ ɔr dee unda dee gə kəmee gə́ nédɔji ləa lé Rɔ dee lel dee tɔ.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Pakɔsje 38:5

Mbata néra kori-korije ləm d’ḭ tur dɔm pubug Asəna gə nékodo gə́ wɔi gə́ wɔim al dɔm sula bèe.

Pakɔsje 4:3

Seḭ dəwje lé see ndɔ gə́ ra ɓa seḭ a kəwje rɔ sí Kulaje sul dɔ rɔnduba’g ləm wa. See ndɔ gə́ ra ɓa seḭ a kəwje rɔ sí Ndigije néje gə́ gə mḭdé ba ləm, Ǝsé ndolèje goo taŋgɔmje ləm tɔ wa.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Pakɔsje 84:4

Tḭtḭ iŋga kəi kula dəa keneŋ ləm, Ləbmsiri kara iŋga kəi ləa ɔm ŋganeeje keneŋ ya ləm tɔ Mbɔr loo-nékinjaməs’g ləi-i Njesigənea̰ gə́ njeboo-néje lé I gə́ to mbai ləm, gə Ala ləm lé ya.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

2 Njé gə́ Tesalonikə 2:13

Ŋgako̰ síje, seḭ gə́ Mbaidɔmbaije unda sí dan kəmee’g lé jeḛ n’ra Ala oiyo ta-ta mbata lə sí mbata yeḛ nja mbər sí kédé gə́ dɔtar gə mba kar sí iŋgaje kaji gə goo kɔr gə́ Ndilee ɔr sí unda sí gə kəmee ləm, gə goo meekun lə sí gə́ seḭ ɔmje ne meḛ sí dɔ kankəmta’g ləm tɔ.

Loo gə́ killa rea kəm Ja̰’g 3:12

Yeḛ gə́ a kun baŋga ndá m’a karee to gaji ŋgɔ-kag gəd kəi-Ala ləm ləm, m’a karee nai keneŋ gə no̰ ɓó a teḛ kaw raga el ləm tɔ. M’a ndaŋg ri Ala ləm rəa’g ləm, gə ri ɓee lə Ala gə́ to Jerusalem gə́ sigi gə́ ḭ dara ɓee lə Bɔm ɓa ree naŋg nee rəa’g ləma, gə rim-ma gə́ sigi rəa’g ləm tɔ.