Pakɔsje 65:3 - Maktub gə́ To gə Kəmee

³ I gə́ njekoo tamaji lə dəwje lé Dəwje lai d’a ree rɔi’g ya.

Pakɔsje 65:3 ပူးပေါင်းရင်းမြစ်များ

1 Mbaije 9:3

Njesigənea̰ ulá pana: M’oo tamaji gə ndòo ra ləi gə́ i ra tam’g lé ya ndá ma m’unda ne kəi gə́ i ra mba kar rim ɓar ne saar-saar gə no̰ lé gə kəmee ləm, m’a kar kəm gə məəm to dɔ’g ta-ta ya ləm tɔ.

2 Mbaije 19:20

Yen ŋga Esai, ŋgolə Amots ula kula rɔ Ejekias’g pana: Njesigənea̰ Ala lə Israɛlje pa togə́bè pana: Neḛ n’oo tamaji gə́ i ra ta neḛ’g wɔji ne dɔ mbai gə́ Asiri lé ya.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

Pakɔsje 38:4

Loo gə́ məəi oḭ ndá Darɔm si gə́ majee gə́ tḛ́-tḛ́ bèe el ləm, Kaiya ramje ɓa ar siŋgarɔmje yɔr ne yɔg-yɔg ləm tɔ.

Pakɔsje 40:12

I Njesigənea̰ lé a kɔgm meekaw taḭ-taḭ ləi el, Meemaji ləi gə meenda londoŋ ləi lé d’a gədm ta-ta ya.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Esai 6:7

ndá yeḛ ɔs ne tam tèm pana: Né neelé n’ɔs ne tam Ndá n’ɔr ne némajel ləm ləm, N’ɔr ne kaiya ləm ləm tɔ.

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Njé gə́ Galati 5:17

Mbata mal né gə́ wɔji dɔ ka̰ darɔ lé to né gə́ ɔs mal néra gə́ ka̰ Ndil lé rəw, ar mal né gə́ wɔji dɔ Ndil lé ɔs mal né gə́ wɔji dɔ ka̰ darɔ lé rəw tɔ, mal néje gə́ togə́bè lé d’ɔs na̰ rəw mba kar sí raje né gə́ seḭ wɔjije-kwɔji raje lé el.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,