Pakɔsje 65:13 - Maktub gə́ To gə Kəmee

¹³ Ndag-looje gə́ dɔdilaloo’g lé d’iŋga mán d’ai ləm, Dɔ diŋgri looje d’al ne rɔ dee ləm tɔ,

Pakɔsje 65:13 ပူးပေါင်းရင်းမြစ်များ

Maktub gə́ wɔji dɔ Jɔb 36:31

Gə goo rəwje neelé ɓa yeḛ ɔr ne kəm ta lə dəwje ləm, Yeḛ ar dee nésɔ aree taa rɔ dee pəl-pəl ləm tɔ.

Pakɔsje 144:13

Nésɔje ɓəd-ɓəd rusu damje lə sí Ar dee ruba naŋg pɔ-pɔ ləm, Nékulje lə sí kara d’oji d’ɔs goo na̰ goo na̰ d’as tɔl-dɔg (1.000) ləm, Gə tɔl-dɔg-loo-dɔg (10.000) ləm tɔ mee tad ndɔje’g lə sí ya.

Pakɔsje 72:16

Ko a to gə́ naŋg rib-rib mee ɓee’g ləm, Gə dɔ sém mbalje’g ləm tɔ: Dɔ kó a kula tar yəgə-yəgə to gə́ dɔ kagje gə́ Liba̰ bèe ləm, Dəwje kara d’a kidi pug-pug mee ɓee-booje’g asəna gə muje gə́ to dɔ naŋg’d bèe ləm tɔ.

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 52:9

Seḭ dɔ ndubaje gə́ Jerusalem gə́ tujije lé Ndubaje rɔ sí na̰’d gə pa rɔlel! Mbata Njesigənea̰ gɔl meḛ koso-dəwje ləa ləm, Yeḛ taa dɔ njé gə́ Jerusalem ləm tɔ.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Joɛl 2:22

Seḭ daje gə́ wala lé ɓəlje el Mbata ndag-looje gə́ dɔdilaloo’g lé D’a tel kidi gogo ləm, Kagje d’a kandə gə kandə dee njim-njim ləma, Kag-kodé gə kag-nduú d’a kar sí nébaoje lə dee ləm tɔ.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.