Pakɔsje 65:11 - Maktub gə́ To gə Kəmee

¹¹ I tər mán dɔ ɓaiyeje’g ləm, I gɔl ne dɔ kɔr na̰geeje ləm tɔ, Ma̰-ndi ɓa i yɔlé ne naŋg ləm, I tɔr ne ndui dɔ kandə néje’g ar dee d’uba ləm tɔ.

Pakɔsje 65:11 ပူးပေါင်းရင်းမြစ်များ

Maktub gə́ wɔji dɔ Jɔb 36:28

Kil-lə-ndi lé aree ər ləm, Aree ər dɔ koso-dəwje’g ləm tɔ.

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 103:4

Yeḛ nja ɓa taai ta bwa-yoo’g ləm, Ula meemaji gə meekɔrjol to gə́ dɔgugu bèe dɔi’g ləm tɔ.

Pakɔsje 104:13

Loo-sii gə́ to tar ndoi lé I saa ne mán dɔ mbalje’g Ar kandə kula raije lé kara Rusu ne naŋg nee tub-tub.

Pakɔsje 104:3

Yeḛ ra loo-siée dɔ manje gə́ tar ləm, Yeḛ ar kil-lə-ndi to gə́ pusu-rɔ ləa ləma, Yeḛ aḭ ŋgwɔd dɔ bag lel’g lé ləm tɔ.

Pakɔsje 25:10

Deḛ gə́ d’aa dɔ ndu manrɔ lə Njesigənea̰, gə torndia lé ndá Kila rəwje lə Njesigənea̰ lai to meekɔrjol gə kankəmta mbata lə dee.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Pakɔsje 5:12

Yen ɓa deḛ lai gə́ d’ɔm meḛ dee dɔi’g jəb-jəb lé Rɔ dee a lel dee ne ləm, D’a kal ne rɔ dee saar gə no̰ ləm, I a kaḭ ne dɔ dee kɔr-kɔr ləma, I a to gin rɔlel lə deḛ lai Gə́ d’unda rii dan kəm dee’g ləm tɔ.

Pakɔsje 68:10

Ǝi Ala, i lé ar ndi ər keneŋ yaa̰, Dɔ naŋg ləi gə́ ɔr ho̰d lé kara I nja telee aree to maji gogo ɓəi.

Gosota-Kəmkàrje 14:18

Dəwje gə́ négər na meḛ dee tas lé Némbə ɓa gə́ nénduba lə dee, Nɛ dəwje gə́ d’unda kəmkàr dɔ rɔ dee’g lé D’ar négər ɓa to gə́ dɔgugu lə dee tɔ.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Ajee 2:19

See néje gə́ ka̰ dubu nai mee damje’g ya ɓəi wa. Kag-nduúje əsé kag-kodéje əsé kag-dḭje əsé kag-koiyoje kara d’andə el. Nɛ un kudee mee ndəaje gə́ nee lé n’a tel tɔr ndu neḛ dɔ sí’g ya.

Malasi 3:10

Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Tel tura Godndu 11:12

to ɓee gə́ Ala lə sí gə́ Njesigənea̰ tɔs kəmee dɔ’g bao-bao, yee ɓa Ala lə sí gə́ Njesigənea̰ ar kəmee wəi dɔ’g sḭ un kudee ndɔ gə́ dɔtar lə ləb lé saar teḛ ne ndɔ rudu ləb’g tɔ.