Pakɔsje 64:2 - Maktub gə́ To gə Kəmee

² Ǝi Ala, maji kari oo ndum Loo gə́ m’isi m’tuma̰’g lé ləm, Aḭ bada dɔm’g ɔrm ne ji njeba̰’g ləm Gə́ ma m’ɓəlee lé ləm tɔ!

Pakɔsje 64:2 ပူးပေါင်းရင်းမြစ်များ

Gḭ-Néje 4:6

Njesigənea̰ dəji Kaḭ pana: See ban ɓa məəi ḭ səi pu wa. See ban ɓa i mi mbidi-mbidi bèe wa.

Pakɔsje 143:9

Ǝi Njesigənea̰, maji kari ɔrm ji njéba̰je’g ləm ya, Mbata ma lé loo gə́ mbɔri’g ɓa M’saŋg njo̰loo-kula-dɔ ləm keneŋ ya.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 3:1

Pa lə Dabid loo gə́ yeḛ aḭ ne no̰ ŋgonee Absalɔm’g.

Pakɔsje 31:20

Wai, meemaji ləi al dɔ loo sula! Meemaji neelé i unda kul mbata deḛ gə́ ɓəli, I riba dəa ar deḛ gə́ saŋg loo-kula-dɔ lə dee rɔi’g ləm, Aree to raga pai-pai kəm dəwje’g ləm tɔ.

Pakɔsje 56:6

Ndɔje kára-kára lai deḛ d’ula kəm ndòo gə tapa dee ləm, Takə̰jije gə́ majel ya ɓa d’ə̰ji dɔm’g ləm tɔ.

Pakɔsje 59:2

Ala ləm, maji kari ɔrm ji njéba̰je’g ləm, Aḭ bada dɔm’g ɔs ne njékoma̰ səmje rəw tɔ.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 18:19

Njesigənea̰, maji kari oo ndum ləm, Tuga mbii oo ne tapa njéba̰je ləm ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Néra Njékaḭkulaje 24:9

Jibje kara d’ɔm ta lə dee keneŋ bura pana: Yeḛ ra togə́bè ya.

Néra Njékaḭkulaje 25:3

mba karee ndigi sə dee ɓó mba karee ar Pool ree Jerusalem. Nɛ deḛ lé d’wa rɔ dee kir-kir gə mba kumee rəw ɓó gə tɔlee.