Pakɔsje 63:8 - Maktub gə́ To gə Kəmee

⁸ Mbata i lé to njelasəm, M’isi ne dan boo-rɔkal’g ndil bagije’g ya tɔ.

Pakɔsje 63:8 ပူးပေါင်းရင်းမြစ်များ

2 Sôrta Gḭka Israɛlje 31:21

Yeḛ ra néje lai gə ŋgaw mée bura ləm, yeḛ teḛkɔr dɔ néje lai’d gə́ yeḛ ra ya ləm tɔ ndolè ne goo Ala mbata kulaje gə́ mee kəi Ala’g lé ləm, mbata lə godnduje gə tornduje ləm tɔ.

Pakɔsje 18:35

Yeḛ nja ɓa ndoom goso rɔ ləm, Kag ɓandaŋg gə́ ra gə larkas lé Yeḛ am m’ɔr lərərə-lərərə ləm tɔ.

Pakɔsje 37:24

Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Pakɔsje 41:12

Ɓó lə njeba̰ ləm lé un baŋga dɔm’g el ndá M’a gər gao to gə́ i ndigim tɔgərɔ ya.

Pakɔsje 73:23

Nɛ lé bèe kara ma m’nai səi gə ndɔm-ndɔm, I nja wa jikɔlm ŋgəji ya tɔ.

Pakɔsje 73:25

I nja kára ba to kama gə́ si dara, See yeḛ gə́ raŋg gə́ ra ɓəi wa. Dɔ naŋg nee kara rɔm lelm wɔji dɔi-i nja kára ba.

Pakɔsje 94:18

Loo gə́ ma m’pa m’pana: Gɔlm unda bala tigi-tigi lé Ǝi Njesigənea̰, meemaji ləi lé to gə́ kag gədm ya.

Pa gə́ ur dɔ paje 2:6

Maji kar jigelee gəd dɔm ləm, Jikɔlee kara wam sém ləm tɔ.

Pa gə́ ur dɔ paje 3:2

M’a kuba naŋg kḭ tar Kaw gugu dɔ ɓee-boo, M’a kaw gə mba̰-rəwje ləm, Gə ndaa-looje ləm tɔ. M’a saŋg yeḛ gə́ m’ndigee Gə ŋgaw məəm bura lé. Ma m’saŋgee nɛ m’iŋgá el.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Matiyo 11:12

Un kudee mee ndɔ’g lə Ja̰ Njera-batɛm saar ɓasinè lé ɓeeko̰ gə́ dara lé d’aw səa kərm-kərm ar njéra-né-kərmje ɓa taa ɓee neelé ya.

Lugu 13:24

Ɔsje rɔ sí ɓad mba kandə gə tarəw gə́ njo̰ ɓa. Mbata ma m’ula sí təsərə, njé gə́ na̰je bula d’a saŋg loo gə mba kandə keneŋ nɛ d’a kas el.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.