Pakɔsje 63:1 - Maktub gə́ To gə Kəmee

¹ Pakɔs lə Dabid. Taree wɔji dɔ loo gə́ yeḛ si ne dɔdilaloo gə́ Juda lé.

Pakɔsje 63:1 ပူးပေါင်းရင်းမြစ်များ

2 Samel 15:28

Aa oo, ma lé m’a ŋgina mee ndag-loo gə́ dɔdilaloo’g saar mba koo ta gə́ seḭ a kulamje ɓa.

1 Sôrta Gḭka-Israɛlje 16:14

Njesigənea̰ lé to Ala lə sí ləm, Rəwta-gaŋgje ləa lé kara Yeḛ gaŋg wɔji ne dɔ naŋg nee lai ya ləm tɔ.

Maktub gə́ wɔji dɔ Jɔb 8:5

Nɛ i lé ɓó lé i ndolè goo Ala ləm, Ɓó lé i ra ndòo rɔ Bao-siŋgamoŋ’d ləma,

Pakɔsje 118:28

I lé to Ala ləm, bèe ndá m’a kɔs gajii ya. Ala ləm, ma lé m’a kula rɔnduba dɔi’g tɔ.

Pakɔsje 119:81

M’ndiŋga rɔm gə mba teḛ dɔ kaji’g ləi ləm, M’unda məəm yel gə́ dɔ ndukun’g ləi lé ya ləm tɔ.

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

Pakɔsje 143:6

M’odo jim m’ula ndiŋ gə́ rɔi’g ya ləm, Ŋgaw məəm əmə biriri-biriri gooi’g Asəna gə dɔ naŋg gə́ tudu kurum-kurum Gə́ ndiŋga mán keneŋ bèe ləm tɔ.

Pakɔsje 31:14

Ma m’oo ta lə njé gə́ na̰je bula gə́ d’wɔji-kwɔji ra səm majel ləm, Gə ɓəl-boo gə́ aḭ dɔ loo sub Loo gə́ d’ɔm na̰’d téréré d’ɔsm rəw ləm tɔ, Deḛ d’o̰ njuma̰ mba tɔlm ne.

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 5:3

Mbai ləm, Ala ləm, maji kari sí gèŋ oo ne ndu no̰ ləm! I nja ɓa m’ra tamaji tai’g ya.

Pakɔsje 78:34

Loo gə́ yeḛ unda dee ar yoo tɔl dee ndá Deḛ tel saŋgee ləm, Deḛ d’ɔs badm tel ree ne rɔ Ala’g lé ya ləm tɔ.

Pakɔsje 84:2

Njesigənea̰, mbai gə́ njeboo-néje lé Kəi-siije taa kəm rəgm ya,

Pakɔsje 91:2

M’ula Njesigənea̰ m’pana: Yeḛ nja gə́ njo̰loo-kula-dɔm keneŋ ləm, Yeḛ nja gə́ kəi-kaar-kɔgərɔ gə́ m’ula rɔm keneŋ ləma, Yeḛ nja gə́ Ala ləm gə́ m’ɔm məəm dəa’g ləm tɔ.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Teḛ-Raga 17:3

Koso-dəwje gə́ d’aar keneŋ lé kunda mán ra dee yaa̰ ar dee jém ta d’im ne rɔ dee dɔ Moyis’g. Deḛ pana: See ban ɓa i ɔr sí ar sí j’unda loo mee ɓee gə́ Ejiptə n’teḛje gə mba kar sí j’wəije yoo-kunda-mán, jeḛ gə ŋgan síje gə nékulje lə sí na̰’d nee wa.

Gosota-Kəmkàrje 8:17

Deḛ gə́ d’undam dan kəm dee’g lé M’unda dee dan kəm’g ləm, Deḛ gə́ saŋgəm ndá d’iŋgam ya ləm tɔ.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Esai 41:18

M’a kar mán baa ula yal-yal dɔdərlooje’g ləm, Ŋgira manje d’a tuba tir-tir kəm wəlje’g ləm tɔ, M’a kar dɔdilaloo tel to gə́ duu-mán ləm, Naŋg gə́ tudu kurum-kurum lé M’a karee tel to gə́ kəm-rəw-mán ləm tɔ.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Matiyo 12:43

Loo gə́ ndil gə́ yèr teḛ mee dəw’g ndá mée ɔsee ɓɔḭ-ɓɔḭ aree yeḛ uru mee loo gə́ tudu’g unda tar gaŋg ila mbir-mbir saŋg loo gə mba kula dəa keneŋ, nɛ saŋg pi.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

1 Samel 22:5

Gad gə́ njetegginta lé ula Dabid pana: Maji kari si kəi-kaar-kɔgərɔ’g lé el. Ḭ keneŋ aw ndá andə mee ɓeeko̰’g lə Juda. Dabid ḭ keneŋ aw ur mee kag-kɔr’d gə́ Heret.