Pakɔsje 62:3 - Maktub gə́ To gə Kəmee

³ Oiyo, yeḛ lé to biri mbal ləm Gə njegin kaji ləm ya ləm tɔ. Yeḛ to njo̰loo-kula-dɔ ləm gə́ to tar sab, Bèe ɓa né a yə ne ŋgiram yaa̰ el.

Pakɔsje 62:3 ပူးပေါင်းရင်းမြစ်များ

Pakɔsje 125:1

Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

Pakɔsje 140:2

Njesigənea̰, maji kari ɔrm ji dəwje gə́ to gə́ njémeeyèrje ləm, Aa dɔm kər-kər mbata lə njéra né kərm-kərmje ləm tɔ.

Pakɔsje 16:8

Njesigənea̰ lé m’undá nɔm’g ta-ta, Mbata yeḛ aar dɔ jikɔlm’g Mba kam m’unda ne ndolè nda̰ el.

Pakɔsje 18:3

Njesigənea̰, i to kɔr mbal ləm ləm, Gə kəi-kaar-kɔgərɔ ləm ləma, Gə njetaa dɔm ləm tɔ! Ala ləm, i to kɔr mbal ləm gə́ to loo-kula-dɔm ləm ya. I to dər-rɔ ləm ləm, Gə siŋgam gə́ m’aji ne ləma, Gə loo ləm gə́ to tar sab lé ləm tɔ.

Pakɔsje 21:11

I a kar ginkadɔg deeje sané pá dɔ naŋg nee ləm, Ginkoji dee kara a kudu bo̰ mbuna dəwje’g ləm tɔ.

Pakɔsje 38:12

Baokuraje ləm gə deḛ gə́ gərm kara D’unda rɔ dee ɓad rɔm’g mbata lə doo ləm, Njé’g ləm gə́ pər ya kara D’aar ŋgərəŋ səm ləm tɔ.

Pakɔsje 4:2

Loo gə́ m’no̰ m’ɓari ndá Maji kari ilam keneŋ I Ala gə́ njegaŋ-rəwta ləm gə goo rəbee lé. Loo gə́ m’isi dan néɓəŋgərəti’g lé ndá Maji kari ajim! Maji kari oo tamaji ləm, oo ne kəm lootondoo’g ya kari!

Pakɔsje 82:2

See ndɔ gə́ ra ɓa seḭ a kəwje rɔ sí gaŋgje rəwta gə́ gə goo rəbee el lé wa. See ndɔ gə́ ra ɓa seḭ a kəwje rɔ sí kɔrje kəm njémeeyèrje lé ɓəi wa.

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 16:28

Bèe ɓa Njesigənea̰ ula Moyis pana: Mbad gə́ seḭ mbad kaaje dɔ torndum gə godndumje kər-kər lé see ndɔ gə́ ra ɓa a kundaje ŋgaŋgee wa.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 6:9

I njedab lé see i a to naŋg Saar teḛ kàr gə́ ra gə́ wa. See kàr gə́ ra ɓa i a ndel dɔ ɓi’g ləi Kḭ ne tar wa.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Ojee 7:15

Ma m’ndoo dee m’ar ji dee ɓar mèr-mèr, Nɛ lé bèe kara deḛ la̰ji tor majel meḛ dee’g dɔm’g.

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Néra Njékaḭkulaje 24:9

Jibje kara d’ɔm ta lə dee keneŋ bura pana: Yeḛ ra togə́bè ya.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.