Pakɔsje 61:2 - Maktub gə́ To gə Kəmee

² Ǝi Ala, oo ndu no̰je ləm, Gə́ ur mbii gèŋ dɔ ndukwɔi’g ləm ya!

Pakɔsje 61:2 ပူးပေါင်းရင်းမြစ်များ

Pakɔsje 142:3

M’ree gə ta no̰ ləm nea̰’g ləm, M’ɔr sor néurti gə́ ram lé m’aree ləm tɔ.

Pakɔsje 143:4

Ndiləm unda bala tigi-tigi ləm, Meem to kəgəgə ya ləm tɔ.

Pakɔsje 17:1

Tamaji lə Dabid Ǝi Njesigənea̰, maji kari ur mbii oo ne ndukwɔi ləm gə́ to danasur, Oré mbii ndəŋ dɔ ndu no̰je’g ləm ləm, Ur mbii gèŋ oo ne ta gə́ m’to ne tai’g Gə́ m’ra gə tam m’su ne kəm loo ɓa el ləm tɔ.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 18:46

Deḛ gə́ d’ḭ ɓee gə́ raŋg’d lé Siŋga dee godo ləm, Deḛ d’unda loo mee kəi-kaar-kɔgərɔ’g lə dee teḛ D’unda ne bala tigi-tigi ləm tɔ.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 40:2

M’unda məəm yel dɔ Njesigənea̰’g, Yeḛ rəm pər gə́ rɔm’g Ur mbia oo ne ndu no̰je ləm ya.

Pakɔsje 42:6

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi: Yeḛ lé to gin kaji ləm ləm, gə Ala ləm ya ləm tɔ.

Pakɔsje 43:5

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi, Yeḛ lé to gin kaji ləm ləm, gə Ala ləm ləm ya ləm tɔ.

Pakɔsje 55:5

Kaarm ɓar ɗigi-ɗigi ləm, Ɓəl-booje lə yoo kara d’ubam ne naŋg bus ya ləm tɔ.

Pakɔsje 62:2

Oiyo, loo si lɔm ləm lé To mbɔr Ala’g lé ya kára ba, Yeḛ nja ɓa gə́ njegin kajim gə́ m’aji ne.

Pakɔsje 62:6

Oiyo, maji kam m’isi lɔm mbɔr Ala’g lé ya kára ba ɓa Mbata meekundayel ləm lé ḭ rəa’g ya.

Pakɔsje 77:3

Ndɔ néurti’g ləm lé Ma m’saŋg Mbaidɔmbaije ya, Loondul lé m’ula jim ndiŋ gə́ tar lal kwa gə́ naŋg, Ma mbad taje lai gə́ deḛ pa gɔl ne məəm lé.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Tel tura Godndu 4:29

Lée gə́ neelé ya ɓa seḭ a saŋgje Ala lə sí gə́ Njesigənea̰ keneŋ ndá seḭ a kḭgáje, ɓó lé seḭ sa̰geeje gə ŋgaw meḛ sí gə rɔ sí bura tɔ.