Pakɔsje 60:2 - Maktub gə́ To gə Kəmee

² To ndɔ gə́ yeḛ rɔ gə Aramje gə́ wɔji dɔ Mesɔpotami ləm, gə Aramje gə́ wɔji dɔ Soba ləm tɔ. Ndəa neelé Joab tel ree dum Edɔmje tɔl-dɔg-loo dɔg-giree-joo (12.000) kəm wəl-loo gə́ ria lə Kad lé tɔ.

Pakɔsje 60:2 ပူးပေါင်းရင်းမြစ်များ

2 Samel 22:8

Naŋg yə bura ɓugu-ɓugu ləm, Ar gin dara kara ɓar bura ɗigi-ɗigi ləm tɔ. Néje neelé yə mbata mee Ala gə́ ḭ səa pu.

2 Samel 8:1

Gée’g gogo Dabid dum dɔ Pilistije ar dee d’ula dɔ dee gelee’g tɔɓəi yeḛ taa siŋgamoŋ ko̰ɓee lə dee ji dee’g tɔ.

1 Sôrta Gḭka-Israɛlje 18:12

Abisai, ŋgolə Seruja tɔl Edɔmje tɔl-dɔg-loo dɔg-giree-jinaijoo (18.000) kəm wəl-loo gə́ ria lə Wəl-Kad.

1 Sôrta Gḭka-Israɛlje 18:3

Dabid dum dɔ Hadaréjer, mbai gə́ Soba par gə́ Amat loo gə́ Hadaréjer lé saŋg loo gə mba kar ɓeeko̰ ləa aw gə́ kédé-kédé mbɔr baa gə́ Epratə’g.

1 Sôrta Gḭka-Israɛlje 18:5

Aramje gə́ wɔji dɔ Damas ree la gə Hadaréjer, mbai gə́ Soba ndá Dabid tɔl Aramje tɔl-dɔg-loo rɔ-joo gir-dee joo (22.000).

2 Sôrta Gḭka Israɛlje 7:14

ɓó lé koso-dəwje ləm gə́ d’unda rim dɔ dee’g lé, d’oso kul ra ne tamaji tam’g ləm, gə d’uba goo rəw-kaw deeje gə́ majel d’ya̰ ləm tɔ ndá m’a koo ta lə dee mee dara’g ləm, m’a kar məəm oso lemsé dɔ kaiyaje’g lə dee ləma, m’a kar ɓee-si dee tel to maji péd-péd ləm tɔ.

Maktub gə́ wɔji dɔ Jɔb 5:18

Yeḛ nja ar dəw doo nɛ yeḛ nja tɔ ta doo ləm, Yeḛ ar dəw iŋga doo nɛ jia-yeḛ nja aree ər kəmsə ləm tɔ.

Maktub gə́ wɔji dɔ Jɔb 9:6

Yeḛ yə naŋg ɓugu-ɓugu loo siŋgamoŋ’d ləa Ar gaji-gədeeje d’ula déréré-dèrèrè.

Pakɔsje 104:32

I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 89:40

Manrɔ gə́ i man ne rɔi ar kura ləi lé I oo gə́ né gə́ əḭ el, I ɔs dɔgugu ləa ila naŋg ar ndɔl wa dəa.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Jeremi 48:38

Dɔ kəije gə́ Moab lai gə mee ndaa-looje’g ləa lé ndu no̰ sii mbigi-mbigi ya kára ba ɓar keneŋ mbata ma m’tɔ Moab pɔs-pɔs to gə́ dəw tɔ ne jo gə́ yeḛ ndigi el bèe. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 2:13

See ta ɗi ɓa m’a pa kari tɔɓəi wa. See ɗi ɓa m’a kwa kwɔjii ne wa, I ŋgoma̰də gə́ Jerusalem lé. See na̰ ɓa to asəna səi wa. See ta ɗi ɓa m’a gɔl ne məəi, I ŋgon dené gə́ Sio̰ lé wa. Mbata doo ləi lé to tad rəg-rəg Asəna gə baa-boo-kad bèe: See na̰ ɓa a kaskəm karee ər kəmsə wa.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Amɔs 8:8

See gelee gə́ nee ɓa, dɔ naŋg neelé a yə ne el wa. See njéɓeeje d’a si ne dan kəmndooyoo’g el wa. Naŋg neelé bura a kḭ asəna gə baa bèe ləm, Yee a kḭ ləm, a rəm ləm tɔ Asəna gə baa gə́ Ejiptə bèe.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,