Pakɔsje 6:6 - Maktub gə́ To gə Kəmee

⁶ Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 6:6 ပူးပေါင်းရင်းမြစ်များ

Maktub gə́ wɔji dɔ Jɔb 10:1

Ma m’ə̰ji si kəmba ləm bəḭ-bəḭ! M’a teḛ gə ta no̰-ndooje ləm gə́ raga ləm, Ma pata gə goo mee kad mbag-mbag ləm ləm tɔ.

Maktub gə́ wɔji dɔ Jɔb 16:20

Baokuraje ləm d’undam gə́ nékogo Nɛ Ala ɓa m’ra ndòo rəa’g gə mán-no̰ kəm’g.

Maktub gə́ wɔji dɔ Jɔb 23:2

Ɓogənè gɔl kára ya ɓəi no̰ ndòo ləm tɔ gə́ kɔs ta rəw ɓəi Nɛ némeeko̰ lé tur dɔ tuma̰ ŋgururu-ŋgururu ləm.

Maktub gə́ wɔji dɔ Jɔb 7:3

Togə́bè ɓa né kama to naḭ néɓəŋgərətije ləm, Koo ndòo loondulje’g ɓa gə́ né kama ləm tɔ.

Pakɔsje 115:17

To dəwje gə́ d’wəi ɓa pidi Njesigənea̰ el ləm, To deḛ gə́ rəm d’ur loo gə́ dəwje d’isi keneŋ dɔ mundu ɓa pidee el ləm tɔ.

Pakɔsje 30:10

Ɓó lé i a kila məsm naŋg kam m’ur bwa-dɔɓar’g ndá See ɗi ɓa i a kiŋga keneŋ wa. See babur a kɔs gajii wa. See a kɔr sor meenda londoŋ ləi wa.

Pakɔsje 38:9

Siŋgam godo am m’iri njigi-njigi, Meem gə́ pélé wəs-wəs lé am m’tuma̰ ne ŋgururu-ŋgururu tɔ.

Pakɔsje 39:12

I lé ar bo̰ néra dəw ɔs təa’g Gə goo néra kori-korije ləa ləm, Né ləa gə́ maji dum maree lé I tuji to gə́ diri tuji ne né bèe ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 69:3

Ma lé m’ur dan bɔrɔ dubu’g Ar loo kam m’uba gə mba kaar ne tar lé godo. Ma lé m’oso dan ɓul mán gə́ ɓiri’g Ar paŋgəm manee dəs dɔm’g.

Pakɔsje 88:11

See deḛ gə́ d’wəi mba̰ lé ɓa I ra ne némɔrije mbata lə dee wa. See deḛ gə́ d’wəi mba̰ lé D’a kuba naŋg kḭ tar gə mba pidii ya to wa.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Esai 38:18

Mbata loo-si njé gə́ d’wəi’g lé Dəw askəm pidii keneŋ el ləm, Nin dəwje kara D’askəm kunda no̰ rii el ləm tɔ, Deḛ gə́ d’aw mee bwa-dɔɓar’g lé D’ɔm meḛ dee dɔ ŋgonkoji’g ləi el ŋga.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Nɔ̰-ndôo gə́ wɔji dɔ Jerusalem 1:16

Néje neelé ɓa am m’no̰ ne, Ar mán-no̰ ndum ne kəm Mbata dəw gə́ njegɔl məəm ləm, Gə́ to njekarm siŋgam ləm tɔ lé Sa rəa rɔm’g rəw. Ŋganəmje lai d’isi dan no̰ ndòo’g Mbata njeba̰ lé siŋgá dum dɔ loo.

Nɔ̰-ndôo gə́ wɔji dɔ Jerusalem 1:2

Yee no̰ loondul’g Ar mán-no̰ tɔ kəmee wə-wə, Nɛ mbuna deḛ gə́ ndigee’g kédé lé Dəw kára bèe gə́ njegɔl mée godo, Baokuraje ləa lai tel d’ubá d’yá̰ Ndá deḛ tel to njéba̰je ləa.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Lugu 7:38

yeḛ aar ne gir Jeju’g par gə́ gin gɔlee’g gogo. Yeḛ no̰, nɛ waga ndá mán kəmee lé ndəi dɔ gɔl Jeju’g ndá yeḛ tel bɔr gɔl Jeju lé gə́ yiŋga dəa, to̰ gɔlee, tel wá gə ubu gə́ ə̰də sululu tɔ.