Pakɔsje 59:5 - Maktub gə́ To gə Kəmee

⁵ Lée ta wa dɔm el kara D’aiŋgwɔd d’wa dɔ gɔl rɔ dee. Maji kari teḛ kəmi ree tila kəm oo dee ne!

Pakɔsje 59:5 ပူးပေါင်းရင်းမြစ်များ

Gḭ-Néje 33:20

Lée neelé yeḛ ra loo-nékinjaməs keneŋ unda ne ria lə El-Elohe-Israɛl kɔr gelee pana: Ala lə Israɛlje lé.

Pakɔsje 54:3

Ǝi Ala, maji kari ajim gə goo rii gə́ ɓar ləm, Maji kari ra rəwta ləm gə goo siŋgamoŋ ləi ləm tɔ.

Pakɔsje 55:15

Jeḛ səi lé j’isi na̰’d dan noji’g lə sí N’kulje gə na̰ yururu ləm, J’awje na̰’d gə koso-dəwje mee kəi Ala’g lé ləm tɔ.

Pakɔsje 7:7

Wai Njesigənea̰, maji kari ḭta gə oŋg ləi, Maji kari ḭta ɔs meekḭ jugugu lə njéba̰je ləm rəw ləm, Maji kari teḛ kəmi dɔ ɓi’g la səm ləm tɔ I gə́ njegaŋ-rəwta gə dɔ najee.

Pakɔsje 80:4

Ǝi Ala, maji kari tel un sí ur sí tar ya, Ar kəmi to jḛ̀ dɔ sí’g Ndá j’a kaji ne ya.

Pakɔsje 84:8

Loo gə́ d’aw njaa lé ndá Siŋga dee ḭ dɔ maree’d gə́ kédé-kédé Ar dee teḛ ne Sio̰’g d’aar ne no̰ Ala’g lé ya.

Pakɔsje 9:15

Gə mba karm m’ila mber rɔnduba ləi Tarəwkɔg’d lə koso-dəwje gə́ Jerusalem lé ləm, Gə m’al ne rɔm mbata gə kaji ləi ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Amɔs 9:7

Njesigənea̰ pa togə́bè pana: Seḭ Israɛlje lé See seḭ toje asjena gə Etiopije mbata lə neḛ el wa. See neḛ ɓa n’ar Israɛlje d’unda loo mee ɓee gə́ Ejiptə teḛ el wa To gə́ neḛ ɓa n’ar Pilistije d’unda loo mee ɓee gə́ Kaptɔr teḛ ləm, N’ar Aramje d’unda loo mee ɓee gə́ Kir teḛ ləm tɔ el wa.

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.