Pakɔsje 59:4 - Maktub gə́ To gə Kəmee

⁴ Mbata aa oo, əi Njesigənea̰, deḛ lé d’isi d’agm mba tujim, Njéra né kərm-kərmje d’o̰ njuma̰ mba tɔlm Lal ta gə́ bèe gə́ wa dɔm ləm, Lal kaiya gə́ bèe gə́ m’ra ləm tɔ,

Pakɔsje 59:4 ပူးပေါင်းရင်းမြစ်များ

Gḭ-Néje 40:15

Mbata d’ɔrm ɓee’g lə Ǝbrəje gə ɓogo. Tɔɓəi loo gə́ nee kara m’ra né kára kara gə́ askəm kar dee d’ilam daŋgai’g el tɔ.

Pakɔsje 35:19

Maji kar deḛ gə́ to njéba̰je ləm lal né gə́ bèe lé D’al rɔ dee d’wɔji ne dɔm el ləm, Maji kar deḛ gə́ d’ḛjim bəḭ-bəḭ lal né gə́ bèe lé D’ula sul dɔm’g el ləm tɔ.

Pakɔsje 35:23

Maji kari teḛ kəmi, Gə́ teḛ kəmi gə mba kɔr kəm ta ləm gə goo rəbee! Ala ləm gə́ to Mbaidɔmbaije ləm, Maji kari ra rəwta ləm ya!

Pakɔsje 44:23

Nɛ to mbata ləi-i nja ɓa Deḛ goré ne gwɔs sí gə ndɔje kára-kára lai ləm, D’oo sí ne gə́ badje gə́ d’aw sə dee gə́ loo-tɔl dee’g ləm tɔ.

Pakɔsje 5:6

Mbə-dəwje d’askəm kaar tar kəmi’g el. Deḛ lai gə́ néra dee to kori-kori lé kara I ə̰ji dee bəḭ-bəḭ ya.

Pakɔsje 56:7

Deḛ d’o̰ njuma̰ d’wɔji ne dɔm ləm, Deḛ d’agm ne naŋg dɔ mundu ləma, Deḛ d’orè kəm dee sḭ dɔ tor gɔlm’g ləm tɔ Mbata deḛ ndigi tujim ya.

Gosota-Kəmkàrje 1:16

Mbata gɔl dee un dee pélé-pélé gə́ loo néra gə́ majel’g ləm, Deḛ d’ɔs rɔ dee ɓad Gə mba kila məs ləm tɔ.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Néra Njékaḭkulaje 23:15

Seḭje lé ɓasinè maji kar sí aw iŋgaje njégaŋ-rəwtaje lə Jibje awje sə dee rɔ ɓé-njérɔje’g gə mba karee ree gə Pool no̰ sí’g ɓó gə́ kar sí raje to gə́ lə né gə́ seḭ ndigije kəndje gel ta gə mba koo gəd bèe səm. Jeḛ lé loo gə́ sí ree ndá j’a sí pèrèrè gə mba kḭ tɔlee gə́ tɔl ya.

Njé gə́ Rɔmə 3:15

Gɔl dee un dee pélé-pélé ar dee d’aw d’ila məs.

1 Samel 19:4

Jonatan ɔr ta lə Dabid maji no̰ bɔbeeje Sawul’g pana: Maji kar mbai ra majel gə kura ləa gə́ Dabid lé el mbata yeḛ ra səi né gə́ majel kára kara el. Néje lai gə́ yeḛ ra lé to né gə́ maji mbata ləi ya.