Pakɔsje 59:10 - Maktub gə́ To gə Kəmee

¹⁰ Lé siŋga dee to to gə́ ban-ban kara Ma m’unda məəm yel gə́ dɔi’g ya, Mbata i Ala to gadloo gə́ to tar sab gə́ m’ula rɔm keneŋ.

Pakɔsje 59:10 ပူးပေါင်းရင်းမြစ်များ

2 Samel 1:17

Aa ooje, pa no̰ yoo gə́ Dabid ɔs wɔji ne dɔ Sawul gə ŋgonee Jonatan ɓa nee ya.

Pakɔsje 112:8

Yeḛ wa mée kɔgərɔ ya ɓó ɓəl né kára kara bèe el Saar yeḛ a koo koso lə njékoma̰ səaje kar mée lelee ne.

Pakɔsje 21:3

Né gə́ yeḛ ndiŋga lé i nja aree ləm, Né gə́ təa teḛ dəjii lé kara i ɔgee el ləm tɔ.

Pakɔsje 46:8

Njesigənea̰ gə́ njeboo-néje nai sə sí, Ala lə Jakob lé to loo-kula-rɔ sí keneŋ gə́ to tar ɗaŋg.

Pakɔsje 5:8

Ma lé mbɔl dɔ bao-meekoso lemsé ləi ɓa M’andə ne mee kəi’g ləi, M’unda ne barmba nɔḭ’g mee kəi’g ləi Gə́ to gə kəmee doi lé m’ɓəli ne.

Pakɔsje 54:5

Mbata dəwje gə́ d’ḭ raŋg lé d’ḭ səm, Gayim-dəwje kara ndigi tujim to Ɓó d’ə̰ji ta meḛ dee’g teḛ ne dɔ Ala’g lé el.

Pakɔsje 54:7

Némajel lé a tel koso dɔ njékoma̰ səmje’g, Maji kari tuji dee pugudu gə goo kankəmta ləi.

Pakɔsje 56:2

Ǝi Ala, maji kari oo kəm lootondoo’g ya kari! Mbata dəwje d’aw səm jələ-jələ, Ndɔje kára-kára lai lé deḛ rɔ səm ləm, D’ula kəm ndòo ləm tɔ.

Pakɔsje 56:6

Ndɔje kára-kára lai deḛ d’ula kəm ndòo gə tapa dee ləm, Takə̰jije gə́ majel ya ɓa d’ə̰ji dɔm’g ləm tɔ.

Pakɔsje 59:17

Ma lé m’a kɔs pa kɔr ne sor siŋgamoŋ ləi, Un kudee teḛ gə ndɔ rad saar lé M’a pidii kɔr ne sor meemaji ləi lé ya, Mbata i lé to gadloo gə́ to tar sab Gə́ m’ula rɔm keneŋ ləm, I to njo̰loo-kula-dɔm Ndɔ néurti’g ləm lé ya ləm tɔ.

Pakɔsje 79:8

Ar məəi olé teḛ dɔ néra kori-korije’g lə sí gə́ ləw lé el ŋga. Maji kar némeekaw taḭ-taḭ ləi lé ree gə tɔgee tila kəm sí Mbata jeḛ lé kəm sí to ndòo yaa̰.

Pakɔsje 91:8

Kəmi ɓa i a kaa dee ne, I a koo bo̰ néra njémeeyèrje gə́ ɔs ta dee’g bɔsɔrɔ.

Pakɔsje 92:11

I lé am m’uba siŋga lə dadɔg ya ləm, Ma lé ubu gə́ kul yururu ɓa wa ne dɔm ya ləm tɔ.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Jeremi 17:16

Nɛ ma lé gə mba kila koji dɔi’g lé ɓa Ma mbad to ne njekul dəwje el, I gər gao, ma lé m’ndiŋga ndɔ némeeko̰ el tɔ. Ta gə́ teḛ tam’g lé to nɔḭ’g raga pai-pai.

2 Njé gə́ Kɔrḭtə 1:3

Maji kar dɔ ri Ala lé ai səgərə, yeḛ gə́ to Bɔ Mbaidɔmbaije lə sí Jeju Kristi ləm, gə bao-meekɔrjol ləma, gə Ala gə́ bao-njegɔl meḛ dəwje ləm tɔ.

1 Njé gə́ Tesalonikə 4:15

Tɔgərɔ ya, aa ooje, ta lə Mbaidɔmbaije gə́ j’ula sí təsərə ɓa nee: jeḛ gə́ j’a si kəmba saar ndɔ tel lə Mbaidɔmbaije lé deḛ gə́ d’wəi mba̰ lé j’a kun gɔl sí kila no̰ dee’g gə dɔrɔ sí el.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.