Pakɔsje 58:2 - Maktub gə́ To gə Kəmee

² Seḭ dəwje lé see ta sí gə́ ndèm kub lé ɓa Seḭ a raje ne néra gə́ gə dɔ najee lé ɓəi wa. Esé see togə́bè ɓa a gaŋgje ne rəwta gə goo rəbee lé ɓəi wa.

Pakɔsje 58:2 ပူးပေါင်းရင်းမြစ်များ

Pakɔsje 21:11

I a kar ginkadɔg deeje sané pá dɔ naŋg nee ləm, Ginkoji dee kara a kudu bo̰ mbuna dəwje’g ləm tɔ.

Pakɔsje 82:1

Pakɔs lə Asap. Ala aar loo-mbo̰-dɔ-na̰’d gə́ wɔji dɔ Ala. Yeḛ gaŋg rəwta mbuna magəje’g.

Pakɔsje 94:20

See njémeeyèrje gə́ d’wɔji-kwɔji néra gə́ kori-kori meḛ dee’g d’al ne ta ta godndu’g lé See d’a kari si dɔ kalimbai’g lə dee lé ya wa.

Njekillamber 3:16

Ma m’oo né gə́ raŋg dɔ naŋg nee ya tɔɓəi: Loo-gaŋg-rəwta’g lé meeyèr ɓa taa loo keneŋ pəl-pəl ləm, loo ra né gə́ gə dɔ najee lé meeyèr ɓa taa pəl-pəl ləm tɔ.

Esai 10:1

Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 26:7

Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Malasi 3:15

Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.