Pakɔsje 57:5 - Maktub gə́ To gə Kəmee

⁵ Ma m’to mbuna dəwje gə́ to d’asəna gə toboḭje bèe, Mbuna deḛ gə́ gaŋg dəwje mbidi-mbidi’g, Ŋgaŋ dee adə njel-njel to gə́ ndo̰ niŋga-ndəi əsé ndo̰ ɓandaŋg bèe ləm, Ndo̰ dee to asəna gə kiambas gə́ adə làm-làm bèe ləm tɔ.

Pakɔsje 57:5 ပူးပေါင်းရင်းမြစ်များ

1 Sôrta Gḭka-Israɛlje 29:1

Mbai Dabid ula koso-dəwje lai gə́ mbo̰ dɔ na̰ neelé pana: Ŋgonəm Salomo̰ ya kára ba ɓa Ala mbəree nɛ yeḛ nai basa ɓəi ləm, as el ləm tɔ ndá kula neelé to kula gə́ boo, mbata kəi-mbai neelé wɔji dɔ dəw el nɛ wɔji dɔ Njesigənea̰ Ala ɓa.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 21:13

Mbata i a kar dee tel gir dee d’aḭ ləm, I a rɔ dee gə ɓandaŋg ləi ləm tɔ.

Pakɔsje 57:11

Mbata meemaji ləi aw njal teḛ mee dara’g ləm, Meenda londoŋ ləi dəs loo-kil-lə-ndi ləm tɔ.

Pakɔsje 59:8

Aa oo, ta dee lé d’ar né gə́ majel gə́ keneŋ teḛ ubu pur-pur ləm, Ndar ta dee to asəna gə kiambasje ləm tɔ, Deḛ d’ə̰ji ta meḛ dee’g pana: See na̰ oo wa.

Pakɔsje 64:4

Deḛ lé d’ɔl ndo̰ dee to gə́ d’ɔl ne ndo̰ kiambas bèe ya, Ta meekadje lə dee lé kara Teḛ ɔs goo na̰ goo na̰ to gə́ kandə ɓandaŋgje gə́ tur lé bèe,

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 8:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje gə́ ɓaree gitit.

Gosota-Kəmkàrje 12:18

Dəw gə́ pata gə́ gə mḭdé ba lé Ar dəw doo to gə́ kiambas bèe, Nɛ ndo̰ njékəmkàrje lé Ar doo lé ər kəmsə.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Bula lə Israɛlje 14:21

Nɛ tɔgərɔ ɓó lé m’isi kəmba ɓa rɔnduba lə Njesigənea̰ taa loo dɔ naŋg nee pəl-pəl ndá,