Pakɔsje 57:4 - Maktub gə́ To gə Kəmee

⁴ Yeḛ a kar né gə́ a gə la səm ḭ dara ree am m’aji ne, Loo gə́ njekula kəm ndòo ɔsm ɓɔḭ-ɓɔḭ lé, Ala a kula gə meemaji ləa gə ŋgonkoji ləa kam m’oo.

Pakɔsje 57:4 ပူးပေါင်းရင်းမြစ်များ

Maktub gə́ wɔji dɔ Jɔb 41:14

Gwɔbee ɓa to loo siŋgamoŋ ləa, Né gə́ to ɓəl aw nea̰’d gə́ kédé tɔ.

Pakɔsje 10:9

Loo-siée’g lé yeḛ um loo asəna gə toboḭ gə́ to loo-tée’g bèe, Yeḛ um loo mba kuba njenékəmndoo kwá Ɓa yeḛ ɔsee ilá mee ba̰də’g ləa.

Pakɔsje 35:17

Mbaidɔmbaije, see saar ndɔ gə́ ra ŋga ɓa I a si koo dee gə koo bèe ɓəi wa. Maji kari aḭ bada dɔm’g Ɔrm ne ji dee’g loo-kumum’g lə dee ləm, Taam ne ta ŋgan toboḭje’g lé ləm tɔ.

Pakɔsje 43:3

Maji kari ula gə lookàr ləi gə meenda londoŋ ləi am! Maji kar dee d’ɔr nɔm ləm, Maji kar dee d’onm par gə́ dɔ mbal’g ləi gə́ to gə kəmee ləma, Gə par gə́ loo-sije’g ləi ləm tɔ!

Pakɔsje 52:2

Mee ndəa gə́ Doɛg, dəw gə́ Edɔm, ree rɔ Sawul’g ulá pana: Dabid aw mee kəi’g lə Asimelek lé.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Pakɔsje 58:6

Gə mba koo ne ndu njégoso sukəmlooje el ləm, Esé ndu njegoso ra némbeḛ lé el ləm tɔ.

Pakɔsje 59:7

Kàrkemetag gə ndɔje kára-kára lai lé deḛ tel ree Deḛ ra né meḛ dee’g ŋgɔg-ŋgɔg to gə́ bisije bèe Gugu ne dɔ ɓee-boo lé sub ya.

Pakɔsje 64:3

Maji kari iyam kəm njémeeyèrje’g Gə́ njéra né birim-birimje gə́ d’o̰ njumam ləm, Gə kəm kudu-dəwje gə́ njéra némajelje’d Gə́ d’ɔm na̰’d téréré lé ləm tɔ.

Gosota-Kəmkàrje 12:18

Dəw gə́ pata gə́ gə mḭdé ba lé Ar dəw doo to gə́ kiambas bèe, Nɛ ndo̰ njékəmkàrje lé Ar doo lé ər kəmsə.

Gosota-Kəmkàrje 25:18

Dəw gə́ gaŋgta badə-badə ɔm ta njeboatakəi’g ləa lé To asəna gə gòl ləm, gə kiambas ləma, gə kandə ɓandaŋg gə́ adə njal-njal ləm tɔ.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Maktub gə́ Jak ula ne ar ngan-Allaje 3:6

Ndo̰ sí kara to pər tɔ. Yee to njekul kó néra gə́ kori-kori. Ndo̰ sí uba mbuna barkəmrɔ sí’g ar yiro uba barkəmrɔ sí’g bo̰-bo̰ ləm, ula pər meḛ sí’g biriri-biriri ləm tɔ. Pər gə́ yee ula meḛ sí’g lé ḭ gehene.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Njéga̰g-Rəwtaje 9:20

Ɓó lé bèe el ndá maji kar pər ḭ rɔ Abimelek’g roo dəwje gə́ Sikem gə njémeekəije lə Milo ləm, maji kar pər ḭ rɔ dəwje’d gə́ Sikem gə njémeekəije lə Milo gə́ mba roo Abimelek ləm tɔ.