Pakɔsje 56:8 - Maktub gə́ To gə Kəmee

⁸ Deḛ d’ə̰ji ta meḛ dee’g pana: Mbɔl dɔ néra gə́ kori-korije lə neḛje ɓa N’a teḛje ne ta yoo’g: Ǝi Ala, maji kari jura koso-dəwje neelé naŋg gə goo oŋg ləi.

Pakɔsje 56:8 ပူးပေါင်းရင်းမြစ်များ

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

Maktub gə́ wɔji dɔ Jɔb 16:20

Baokuraje ləm d’undam gə́ nékogo Nɛ Ala ɓa m’ra ndòo rəa’g gə mán-no̰ kəm’g.

Pakɔsje 121:8

Njesigənea̰ a kaa dɔi loo-kabi’g ləm, gə loo-teli’g ləm tɔ, Un kudee ɓasinè saar gə no̰.

Pakɔsje 139:16

Loo gə́ m’nai dan məskèm’g ɓəi ndá Kəmi oom ya, Ndɔ simje lai lé i tura ɗém-ɗém Ndaŋ dee ne mee maktub’g ləi mba̰ ɓa Ma m’isi ne kəmba ɓəi.

Pakɔsje 39:12

I lé ar bo̰ néra dəw ɔs təa’g Gə goo néra kori-korije ləa ləm, Né ləa gə́ maji dum maree lé I tuji to gə́ diri tuji ne né bèe ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

Matiyo 10:30

Yiŋga dɔ sí kara deḛ tura dém-dém ya.

2 Njé gə́ Kɔrḭtə 11:26

Loo mbá gə́ m’aw bula lé m’uru ta yoo’g dan baa’g ləm, m’uru ta yoo’g dan gayim-ɓogoje’g ləm, m’uru ta yoo’g dan njékama’g ya ləm, m’uru ta yoo’g mbuna njépole-magəje’g ləm, m’uru ta yoo’g dan ɓee-booje’g ləm, m’uru ta yoo’g dɔdilaloo’g ləm, m’uru ta yoo’g dan mán bélm’g ləma, m’uru ta yoo’g mbuna njétakorije’g gə́ turu rɔ dee gə́ njénojije ləm lé ləm tɔ.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 11:38

Njé gə́ naŋg nee d’askəm kas sə dee el, deḛ lé d’aw wur-wur ndag-looje’g ləm, gə dɔ mbalje’g ləm, gə mee bolè mbalje’g ləma, gə kəm godə wəlje’g gə́ dɔ naŋg nee ləm tɔ.

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.

1 Samel 19:18

Togə́bè ɓa Dabid ḭ aḭ taa ne rəa. Yeḛ aḭ aw iŋga Samel mee ɓee gə́ Rama ndá yeḛ ndaji ta néje lai gə́ Sawul ra səa lé aree oo. Tɔɓəi yeḛ aw gə Samel aw si ɓee gə́ Najot.

1 Samel 27:1

Dabid ə̰ji mée’g pana: Ma neelé ndɔ kára ndá Sawul a tujim ya ɓəi. Né gə́ maji yaa̰ gə́ kəm ra ndá, kam m’aḭ m’aw mee ɓee’g lə Pilistije ɓa. Bèe ɓa Sawul a kya̰ goo korə gə́ yeḛ aw kɔrəm dɔ naŋg ɓee’g lə Israɛlje lé ya. Togə́bè ɓa m’a taa ne rɔm jia’g tɔ.