Pakɔsje 56:7 - Maktub gə́ To gə Kəmee

⁷ Deḛ d’o̰ njuma̰ d’wɔji ne dɔm ləm, Deḛ d’agm ne naŋg dɔ mundu ləma, Deḛ d’orè kəm dee sḭ dɔ tor gɔlm’g ləm tɔ Mbata deḛ ndigi tujim ya.

Pakɔsje 56:7 ပူးပေါင်းရင်းမြစ်များ

Pakɔsje 36:12

Maji kar njebeelé tugam gə gɔlee el ləm, Maji kar ji njémeeyèrje kara ram d’am m’aḭ no̰ dee’g el ləm tɔ.

Pakɔsje 37:32

Njemeeyèr lé Um njemeekarabasur gə goo ŋgəḭ ba ləm, Yeḛ saŋg loo gə mba tɔlee ləm tɔ.

Pakɔsje 49:6

See gə mba ɗi ba m’a ɓəl ndɔ némeeko̰ Loo gə́ néra gə́ kori-kori lə njékoma̰ səmje gugu dɔm sub lé wa.

Pakɔsje 55:15

Jeḛ səi lé j’isi na̰’d dan noji’g lə sí N’kulje gə na̰ yururu ləm, J’awje na̰’d gə koso-dəwje mee kəi Ala’g lé ləm tɔ.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Pakɔsje 55:9

M’a kɔs rɔm ɓad kaw ne kalaŋ Unda lel-mal gə́ ɓir ləm, Unda lel-boo gə́ ula mbḭ-mbḭ ləm tɔ.

Pakɔsje 59:4

Mbata aa oo, əi Njesigənea̰, deḛ lé d’isi d’agm mba tujim, Njéra né kərm-kərmje d’o̰ njuma̰ mba tɔlm Lal ta gə́ bèe gə́ wa dɔm ləm, Lal kaiya gə́ bèe gə́ m’ra ləm tɔ,

Njekillamber 8:8

Dəw kára kara siŋgá As kɔg ndilee teḛ el ləm, Siŋgamoŋ ləa kára kara Askəm kɔg ndɔ kwəi ləa el ləm tɔ. Rɔ neelé dəw kára kara Askəm kɔr rəa keneŋ el ləm, Meeyèr lé Askəm kaji njémeeyèrje el ləm tɔ.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 7:10

Tɔɓəi seḭ reeje aarje no̰m’g, mee kəi’g nee gə́ ɓar rim keneŋ lé ndá seḭ pajena: Ta ɔr dɔ sí’g mba̰! ... Yee ɓa gə mba ra ne néje gə́ mina̰ lai neelé gə́ kédé-kédé.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.