Pakɔsje 56:12 - Maktub gə́ To gə Kəmee

¹² Ma m’ɔm məəm dɔ Ala’g lé M’ɓəl ne né kára bèe el, See ɗi ɓa dəwje d’askəm ra səm ɓəi wa.

Pakɔsje 56:12 ပူးပေါင်းရင်းမြစ်များ

Pakɔsje 118:6

Njesigənea̰ lé to njela səm, Ma m’ɓəl né kára kara el. See ɗi ɓa dəwje d’askəm ra səm ɓəi wa.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Pakɔsje 21:13

Mbata i a kar dee tel gir dee d’aḭ ləm, I a rɔ dee gə ɓandaŋg ləi ləm tɔ.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 76:11

Dəw lé lé si dan oŋg’d ləa kara a kɔs gajii ya Loo gə́ boo-oŋg ləi lai taa rɔi pəl-pəl.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.