Pakɔsje 55:22 - Maktub gə́ To gə Kəmee

²² Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Pakɔsje 55:22 ပူးပေါင်းရင်းမြစ်များ

Pakɔsje 12:3

Taŋgɔmje ɓa d’ula na̰ mbuna na̰’g wɔr-wɔr ləm, Ta gə́ ta dee’g ɓa deḛ lèbè ne kəm na̰ ləma, Deḛ pata gə meḛ dee gə́ joo ləm tɔ.

Pakɔsje 121:3

Yeḛ a kya̰ loo kar gɔli unda ndolè el. Yeḛ gə́ njekaa dɔi lé ɓi a kwa kəmee nda̰ el.

Pakɔsje 16:8

Njesigənea̰ lé m’undá nɔm’g ta-ta, Mbata yeḛ aar dɔ jikɔlm’g Mba kam m’unda ne ndolè nda̰ el.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 37:24

Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Pakɔsje 37:5

Né gə́ a gə teḛ dɔi’g lé Ya̰ taree ji Njesigənea̰’g, Ɔm ne məəi dəa’g ndá Yeḛ nja a ra née.

Pakɔsje 62:2

Oiyo, loo si lɔm ləm lé To mbɔr Ala’g lé ya kára ba, Yeḛ nja ɓa gə́ njegin kajim gə́ m’aji ne.

Pakɔsje 62:6

Oiyo, maji kam m’isi lɔm mbɔr Ala’g lé ya kára ba ɓa Mbata meekundayel ləm lé ḭ rəa’g ya.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Pakɔsje 63:8

Mbata i lé to njelasəm, M’isi ne dan boo-rɔkal’g ndil bagije’g ya tɔ.

Pakɔsje 64:4

Deḛ lé d’ɔl ndo̰ dee to gə́ d’ɔl ne ndo̰ kiambas bèe ya, Ta meekadje lə dee lé kara Teḛ ɔs goo na̰ goo na̰ to gə́ kandə ɓandaŋgje gə́ tur lé bèe,

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Matiyo 6:25

Bèe ɓa ma m’ula sí, arje meḛ sí pélé wəs-wəs dɔ rɔ sí’g el ləm, gə dɔ nésɔ sí əsé dɔ nékṵ rɔ sí’g el ləm tɔ. See si kəmba lə sí ur dɔ nékusɔ’g el wa. See darɔ sí ur dɔ kubu-kula-rɔ sí’g el wa.

Lugu 12:22

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.