Pakɔsje 55:20 - Maktub gə́ To gə Kəmee

²⁰ Ala a koo ndá a rəm sə dee kar dee d’oso kul ya, Mbata yeḛ lé si dɔ kalimbai’g ləa ləw ba saar-saar gə no̰. Deḛ lé d’ya̰ goo néra dee el ləm, Ala kara deḛ ɓəlee el ləm tɔ.

Pakɔsje 55:20 ပူးပေါင်းရင်းမြစ်များ

2 Samel 18:12

Nɛ dəw lé ula Joab pana: Ɓó lé d’a kɔm larnda as tɔl-dɔg (1.000) jim’g ya kara m’a kun jim kɔrɔ ne rɔ ŋgolə mbai lé el ya saar, mbata jeḛ j’oo ndukun gə́ mbai un ari-i gə Abisai gə Itai pana: Undaje kəmkàr dɔ rɔ sí’g mbata ŋgon basa gə́ Absalɔm lé.

2 Samel 2:4

Koso-dəwje gə́ Juda ree d’wa dɔ Dabid gə ubu mba kundá gə́ mbai lə Judaje. Deḛ d’ula Dabid pana: Dəwje gə́ Jabɛs gə́ Galaad ɓa d’ubu Sawul.

2 Samel 5:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá mbai Dabid lé man rəa ar dee no̰ Njesigənea̰’g mee ɓee’d gə́ Ebro̰. Deḛ d’wa dəa gə ubu d’undá ne gə́ mbai lə Israɛlje.

2 Mbaije 17:34

Saar mee ndəa gən lé kara dee d’un goo néjiɓeje lə dee gə́ kédé ya ɓəi, dee ɓəl Njesigənea̰ gəd-gəd el ləm, dee d’aa dɔ godnduje lə dee gə ndukunje lə dee-deḛ el ləma, godndu gə ndukunje lə Njesigənea̰ gə́ yeḛ ar ŋgalə Jakob gə́ yeḛ unda ria lə Israɛl lé kara dee d’aa dɔ dee el ləm tɔ.

Pakɔsje 109:5

Deḛ ra səm majel godə maji gə́ m’ra sə dee’g ləm, Deḛ d’ḛjim bəḭ-bəḭ tor kunda gə́ m’unda dee dan kəm’g ləm tɔ.

Pakɔsje 6:10

Njesigənea̰ oo ta gə́ m’to ne təa’g ləm, Njesigənea̰ taa tamaji ləm rəgm ya ləm tɔ.

Pakɔsje 7:4

Njesigənea̰, Ala ləm, Ɓó lé m’ra né togə́bè ləm, Ɓó lé jim ra néra gə́ kori-kori ləm,

Pakɔsje 89:28

Neḛ lé n’a karee to gə́ ŋgondər neḛ ya, Yeḛ a to mbai gə́ ur dɔ mbaije lai gə́ dɔ naŋg nee.

Pakɔsje 89:34

Nɛ meemaji lə neḛ lé n’a kɔr rəa’g el ləm, Meenda londoŋ lə neḛ kara n’a kuba gée kya̰ el ləm,

Pakɔsje 89:38

Kalimbai ləa neelé a to saar-saar to gə́ naḭ bèe ləm, Njekɔrgoota gə́ si dara lé to njekɔrgoota gə́ gəd ya ləm tɔ.

Pakɔsje 93:2

Kalimbai ləi to njaŋg kédé gə́ ləw-ləw ya saar ɓasinè ləm, I nja kara si gən kédé gə́ ləw saar gə nɔḭ ya ləm tɔ.

Njekillamber 8:2

Yen! Ilaje ŋgonkoji dɔ ta’g lə mbai lé Mbata ta manrɔ lə Ala ya.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Néra Njékaḭkulaje 12:1

Mee ləb’g neelé Herɔdə, mbai lé ḭ ula kəm barkəm Eglisəje gə́ na̰je ndòo.

1 Samel 22:17

Mbai lé ula njéŋgəmeeje gə́ d’aar mbɔree’g lé pana: Telje kəm sí, tɔlje njékinjanéməsje lə Njesigənea̰ mbata deḛ ndigi gə Dabid. Deḛ d’oo gao to gə́ yeḛ aḭ ya nɛ d’ulam taree el. Nɛ kuraje lə mbai lé ndigi kun ji dee tɔl ne njékinjanéməsje lə Njesigənea̰ lé el.

1 Samel 24:10

Dabid dəji Sawul pana: See gelee ban ɓa, i ur mbii dɔ ta’g lə dəwje gə́ pana: Aa oo, Dabid aw saŋg loo ra səi némajel lé wa.