Pakɔsje 55:13 - Maktub gə́ To gə Kəmee

¹³ Ɓó lé njeba̰ ɓa ila ndɔl dɔm’g ndá M’a kila məəm, Lé to gə́ njekoma̰ səm ɓa ḭ səm kara M’a kiya rɔm nea̰’g ya.

Pakɔsje 55:13 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

Pakɔsje 41:10

Yeḛ gə́ m’isi səa lɔm ləm, M’ɔm məəm dəa’g m’aree o̰ səm muru ləm tɔ lé Yeḛ ɓa tel ɔr gɔlee ubam ne kən.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Jeremi 9:4

Nana kara su kəm maree-maree ləm, Deḛ pa kankəmta kára kara el ləm, Taŋgɔm ɓa gə́ kula ra ndo̰ dee ləma, Deḛ d’ula rɔ dee mbiriri dan néra gə́ majel’g ndá D’askəm tel ree rɔm’g gogo el.

Misee 7:5

Maji kar sí ɔmje meḛ sí dɔ baokuraje’g lə sí el ləm, Ǝsjeta dɔ njékṵda sí dan kəm dee’gje el ləm tɔ. Deḛ gə́ seḭ sə deeje toje mee kəi’g lé Maji kar sí ŋgəmje ta sí no̰ dee’g.

Lugu 22:21

Nɛ aa ooje, dəw gə́ njekun dɔm lé yeḛ ula jia səm na̰’d mee ka-nésɔ’g nee ya.

Tagə́maji gə́ Ja̰ ndang 19:13

Loo gə́ Pilatə oo ta neelé ndá yeḛ unda loo gə Jeju teḛ səa raga, yeḛ rəm si dɔ kalimbai gaŋg-rəwta’g, lé neelé ɓaree Pabe, ɓaree gə ta Ǝbrə Gabata.