Pakɔsje 55:10 - Maktub gə́ To gə Kəmee

¹⁰ Mbaidɔmbaije, maji kari tuji tapa dee Tel ne ndu dee ɓəd-ɓəd! Mbata m’oo néra kərm-kərm gə ta kɔl na̰ Taa loo mee ɓee-boo’g pəl-pəl.

Pakɔsje 55:10 ပူးပေါင်းရင်းမြစ်များ

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

Pakɔsje 58:3

Bèe el ɓòo! Meḛ sí gə́ kəi lé Seḭ wɔjije néra gə́ kori-korije keneŋ, Mee ɓee’g lə sí lé Néra gə́ kərm-kərm gə́ ji sí ra ɓa Seḭ ɔrje ta rəw areeje.

Pakɔsje 59:6

I Njesigənea̰, Ala gə́ njeboo-néje ləm, Gə Ala lə Israɛlje ləm tɔ lé Ɔs rɔi ɓad mba kar bo̰ néra ginkoji dəwje gə raŋg ɔs ta dee’g bɔsɔrɔ ləm, Oo kəmtondoo lə njémeeyèrje neelé Gə́ to njékun dɔ mar deeje lé el ləm tɔ.

Ejekel 9:4

Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Ojee 7:6

Deḛ d’o̰ njuma̰ na̰ D’ar meḛ dee nuŋga to gə́ bwa-bṵda bèe. Oŋg lə dee toɓi loondul’g saar ndá Teḛ gə ndɔ rad lé yḛ́ saar mbudu bib o̰ tɔ.

Habakuk 1:3

See gelee ban ɓa i am m’oo néra kori-kori ləm, I kara aa né gə́ gə dɔ najee el lé gə́ kaa ya bèe wa. See gelee ban ɓa kula kəm loo ndòo Gə néra gə́ kərm-kərm ɓa to nɔm’g bèe wa. Ta kɔl na̰ gə ta tḭ-na̰ ɓa to keneŋ.

Tagə́maji gə́ Ja̰ ndang 18:28

Deḛ d’ḭ gə Jeju ɓee lə Kayipə d’aw səa kəi-mbai lə njeguburuɓee teḛ gə ndɔ rad ya. Deḛ d’ila gɔl dee kəi-mbai lə njeguburuɓee lé el nà rɔ dee a mina̰ ne ɓa a kɔg dee ne loo sɔ né Pag ya.

Tagə́maji gə́ Ja̰ ndang 18:3

Yen ŋga Judas ɔr no̰ kudu-njérɔje gə njékaa dɔ looje gə́ mbai dɔ njékinjanéməsje-je gə Parisiḛje d’ula dee lé deḛ teḛ dɔ dee’g gə néndogóje ləm, gə pərŋgelje ləma, gə nékadje ji dee’g ləm tɔ.

Néra Njékaḭkulaje 9:24

Nɛ Sool oo no̰ dee kédé. Deḛ ŋgəm tarəw ɓeeje dan kàrá gə loondul’g gə mba karee udu.

1 Samel 19:11

Sawul ula njékulaje ləa rɔ Dabid’g mba kar dee ŋgəm gə mba tɔlee bèlè gə ndɔ. Nɛ Mikal, dené lə Dabid lé ulá taree pana: Ɓó lé i ḭ loondul’g nee aḭ el ndá bèlè gə ndɔ lé d’a tɔli.